Спорт11

У Фінляндыі прынцыпова не будуць паказваць матч сваёй зборнай са зборнай Беларусі

Жаночая зборная Фінляндыі па футболе заўтра мае згуляць супраць зборнай Беларусі ў Лізе Нацый. Мясцовая тэлерадыёкампанія Yle набыла правы на паказ усіх матчаў, але гэта вырашыла не трансляваць з прынцыпу. Іншыя матчы будуць транслявацца ў звычайным рэжыме.

Кіраўнік спартыўнага партала Yle Urheilu Ёсэ Паланен заявіў, што рашэнне было прынята адразу пасля таго, як стала вядома пра склад групы Лігі Нацый.

Гэта ж тычыцца і мужчынскай зборнай Фінляндыі па футзале, якой таксама выпала гуляць супраць Беларусі ў кваліфікацыі на чэмпіянат Еўропы. Yle не будзе трансляваць і гэтыя матчы.

«Фінляндыі не пашанцавала з жараб’ёўкай. Беларусь адхілена ад большасці міжнародных спаборніцтваў, але УЕФА дазволіла ёй удзельнічаць. Мы павінны былі вырашыць, ці будзем паказваць гэтыя матчы. На наш погляд, зараз не час, каб Беларусь магла прадстаўляць сваю краіну ў такіх умовах», — кажа Паланен.

Ён дадаў, што ні Футбольная асацыяцыя Фінляндыі, ні жаночая зборная не хацелі гуляць супраць Беларусі. Аднак байкот мог бы прывесці да страты ачкоў і іншых санкцый.

Футбольная асацыяцыя, па словах Паланена, паставілася да гэтага рашэння з разуменнем.

Пры гэтым ён прызнае, што сітуацыя складаная, бо Yle нярэдка паказвае спартыўныя спаборніцтвы з праблемных краін. Але тут, як сцвярджае Ёсэ Паланен, сітуацыя выключная, бо «наш сусед вядзе агрэсіўную вайну, а Беларусь — яго саюзнік».

«Кожны можа мець сваю думку наконт нашага рашэння, але мы павінны прымаць такія рашэнні. Мы старанна ўсё ўзважылі. Гэта вельмі выключнае рашэнне, але і сітуацыя такая ж», — падкрэслівае ён.

Гульню, аднак, можна будзе паглядзець на ютуб-канале Футбольнай асацыяцыі Фінляндыі. У той жа час гэтая асацыяцыя перанесла праблемны хатні матч за межы сваёй краіны. Гульня пройдзе 4 красавіка ў італьянскім Мілане.

Каментары1

  • Сатурн
    04.04.2025
    Респект финнам!))

Цяпер чытаюць

Падазронага актывіста-стукача Паўла Бялюціна прывезлі з Турцыі

Падазронага актывіста-стукача Паўла Бялюціна прывезлі з Турцыі

Усе навіны →
Усе навіны

КДК пагражае закрываць крамы, калі ў іх няма бульбы4

Аліеў у апошні момант адмовіўся ляцець у Маскву на парад2

EPAM і Wargaming заплацілі ў Літве мінімальныя падаткі за больш чым два гады

Данута Перадня выехала з Беларусі

У Вялікабрытаніі збіраюцца заводзіць крыміналкі на тых, хто залазіць на помнік Чэрчылю1

Ці варта чакаць даляр ніжэй за тры рублі?4

Вэнс заявіў, што Расія хоча занадта шмат

«15 медных шчытоў у гонар рэспублік СССР». Як выглядае кінатэатр «Масква» пасля рэканструкцыі ФОТА6

ЗША скарачаюць адставанне ад Кітая ў гіпергукавой гонцы1

больш чытаных навін
больш лайканых навін

Падазронага актывіста-стукача Паўла Бялюціна прывезлі з Турцыі

Падазронага актывіста-стукача Паўла Бялюціна прывезлі з Турцыі

Галоўнае
Усе навіны →

Заўвага:

 

 

 

 

Закрыць Паведаміць