Беларус адпачываў у Егіпце і выпадкова ўключыў роўмінг: з яго спісалі 237 рублёў за 3 мегабайты
Мінчанін думаў, што роўмінг у Егіпце ўвогуле не працуе, але ён памыляўся.
Мінчук Дзмітрый адпачываў у Егіпце ў сакавіку. Мора, сонца, усё ўключана — здавалася, нішто не можа сапсаваць адпачынак. Калі б не адна памылка.
У нейкі момант мужчына выпадкова ўключыў на тэлефоне роўмінг. І паездка імгненна сур'ёзна падаражала. Усяго за 2,7 мегабайта з мінчука спісалі 237 рублёў, пішуць «Моцныя навіны».
«Я ўвогуле не ведаў, што ў Шарме ёсць роўмінг МТС. Для параўнання, там сім-карта на 100 гігабайт каштуе 7 даляраў. Мне пашанцавала, што я праз Wi-Fi гатэля паглядзеў баланс. Так бы былі ўвогуле касмічныя сумы. Чаму мяне не папярэдзілі, што ўключаны роўмінг?» — распавёў мужчына.
Малады чалавек напісаў афіцыйны ліст у кампанію. Там яму патлумачылі, што ўсё законна.
«Ажыццяўленне перадачы даных магчыма як у выніку непасрэдных дзеянняў абанента, так і ў сувязі з асаблівасцямі наладжвання выкарыстанага абсталявання (напрыклад абнаўленне праграм). Спісанне сродкаў было абгрунтавана, прававых падстаў для пераліку або вяртання грашовых сродкаў не маецца», — адказалі ў МТС.
Дарэчы, на сайце аператара выстаўлены тарыфы на роўмінг у розных краінах свету. У Егіпце ў сетках Orange і Etisalat адзін мегабайт інтэрнэт-трафіку ў роўмінгу сапраўды каштуе 84 рублі 82 капейкі.
-
«Ты ў нас у Беларусі!» — «Я маму тваю я*аў». Госцю з Алтая не спадабалася заўвага за кінуты ў цэнтры Мінска недакурак
-
Паведамленне, што на фэст у Будславе прыязджаў мітрапаліт Веніямін, было памылковым
-
На Сож спусцілі «Пасейдона». У Гомелі стварылі сучасны цеплаход з сонечнымі панэлямі і першым у Беларусі вадамётным рухачом
Цяпер чытаюць
«Ты ў нас у Беларусі!» — «Я маму тваю я*аў». Госцю з Алтая не спадабалася заўвага за кінуты ў цэнтры Мінска недакурак6
Каментары
То зразумела і не прыгожа.
А тое, што Вы расказваеце - нейкі дзіцячы сад. Ёсць дэталізацыя і можна зразумець, на якую паслугу менавіта пайшлі грошы.
Калі гэта інтэрнэт, то, мабыць, выбралі тарыф з мінімальным трафікам і страцілі на ім некалькі (дзясяткаў) гігабайт. Інакш гэтыя +40 руб. або нават +$80 ніяк не атрымаюцца.