Настаўніца расказала, як педагогі вымушаны справаздачыцца за паездкі за мяжу
У Беларусі працягваюць узмацняць кантроль за грамадзянамі. Цяпер патрабаванне загадзя паведамляць пра паездкі за мяжу закранула і настаўнікаў.
Сталічная настаўніца расказала, што днямі адміністрацыя школы паведаміла ўсім супрацоўнікам пра неабходнасць падаваць тлумачальныя запіскі на імя дырэктара пры кожнай паездцы за мяжу.
«Падаваць інфармацыю пра намер выехаць за мяжу трэба загадзя. У запісцы патрабуюць указаць, калі, куды, з якой мэтай і на які час вы збіраецеся выехаць», — тлумачыць суразмоўца.
Паводле слоў настаўніцы, гэта неабходна рабіць нават тады, калі паездка адбываецца падчас адпачынку або на выходных.
Раней пра падобную практыку было вядома ў БДУ. З 1 студзеня 2024 года супрацоўнікаў абавязалі паведамляць пра паездкі і кантакты за мяжой.
У лістападзе 2023 года забаранілі проста так выязджаць за мяжу чыноўнікам. Для паездкі за мяжу, не звязанай з працай, яны абавязаны падаваць адпаведную заяву за дзесяць дзён да выезду. У заяве павінны быць указаны краіны, куды плануе ехаць чыноўнік, а таксама краіны транзіту, мэта паездкі, адрасы знаходжання і кантактныя даныя заяўніка.
Цяпер чытаюць
«Кайлас, я іду». Што за беларуска знікла ў жудасным селі ў Непале9
Каментары