Nastaŭnica raskazała, jak piedahohi vymušany spravazdačycca za pajezdki za miažu
U Biełarusi praciahvajuć uzmacniać kantrol za hramadzianami. Ciapier patrabavańnie zahadzia paviedamlać pra pajezdki za miažu zakranuła i nastaŭnikaŭ.
Staličnaja nastaŭnica raskazała, što dniami administracyja škoły paviedamiła ŭsim supracoŭnikam pra nieabchodnaść padavać tłumačalnyja zapiski na imia dyrektara pry kožnaj pajezdcy za miažu.
«Padavać infarmacyju pra namier vyjechać za miažu treba zahadzia. U zapiscy patrabujuć ukazać, kali, kudy, ź jakoj metaj i na jaki čas vy źbirajeciesia vyjechać», — tłumačyć surazmoŭca.
Pavodle słoŭ nastaŭnicy, heta nieabchodna rabić navat tady, kali pajezdka adbyvajecca padčas adpačynku abo na vychodnych.
Raniej pra padobnuju praktyku było viadoma ŭ BDU. Z 1 studzienia 2024 hoda supracoŭnikaŭ abaviazali paviedamlać pra pajezdki i kantakty za miažoj.
U listapadzie 2023 hoda zabaranili prosta tak vyjazdžać za miažu čynoŭnikam. Dla pajezdki za miažu, nie źviazanaj z pracaj, jany abaviazany padavać adpaviednuju zajavu za dziesiać dzion da vyjezdu. U zajavie pavinny być ukazany krainy, kudy płanuje jechać čynoŭnik, a taksama krainy tranzitu, meta pajezdki, adrasy znachodžańnia i kantaktnyja danyja zajaŭnika.
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?19
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary