Supracoŭnikaŭ BDU abaviazali spravazdačycca pierad kiraŭnictvam pra kantakty padčas zamiežnych pajezdak
Z 1 studzienia supracoŭniki BDU paśla viartańnia z-za miažy abaviazanyja zapaŭniać admysłovuju ankietu, u jakoj musiać raskazać pra ŭsich, z kim bačylisia padčas pajezdki, daviedałasia «Jeŭraradyjo».
U ankiecie 37 pytańniaŭ, i siarod ich takija, jakija patrabujuć raskazać načalstvu pra svajakoŭ i niesłužbovyja kantakty ŭ inšych krainach, za vyklučeńniem Rasii. Infarmacyjny list, da jakoha prykładzienaja ankieta, padpisaŭ pieršy prarektar BDU Dźmitryj Kurłovič.
«Davodžu da vašaha viedama, što supracoŭniki kompleksu BDU, jakija časova vyjazdžajuć z 01.01.2024 h. i ŭ dalejšym za miežy Respubliki Biełaruś va ŭsie krainy śvietu, akramia Rasijskaj Fiederacyi, u słužbovuju kamandziroŭku ci ŭ pytańniach, nie źviazanych sa słužbovaj ci vytvorčaj dziejnaściu, u miežach pracoŭnych ci sacyjalnych adpačynkaŭ abaviazanyja zapoŭnić prapanavanuju ankietu ciaham 5 pracoŭnych dzion z momantu viartańnia z kamandziroŭki ci paśla vychadu z sacyjalnaha ci pracoŭnaha adpačynku», — havorycca ŭ hetym liście.
Zapoŭnienyja ankiety naležyć pieradavać kiraŭniku strukturnaha padraździaleńnia, jaki musić adpravić ich u pryjomnuju pieršaha prarektara BDU.
Siarod pytańniaŭ ankiety nastupnyja.
- Ci majecie vy ci mieli raniej hramadzianstva zamiežnaj dziaržavy, dakumienty, jakija jość padstavaju dla atrymańnia pryvilejaŭ zamiežnych dziaržaŭ (karta palaka, «zialonaja karta» dy inšyja)?
- Svajackija suviazi za miažoj (imia, imia pa baćku, proźvišča, stupień svajactva, miesca pražyvańnia, ź jakoha času, miesca pracy ci navučańnia).
- Niesłužbovyja kantakty z asobami ź liku hramadzian, jakija stała žyvuć za miažoj, akramia paznačanych u p. 4 ankiety (imia, imia pa baćku, proźvišča, miesca pražyvańnia, miesca pracy, navučańnia, kantaktnyja źviestki, forma kamunikacyi: sustrečy, listavańnie, telefonnyja razmovy i h. d.).
- Ci byli ŭ vašym atačeńni inšaziemcy, jakija prajaŭlali nadzvyčajnuju cikavaść da Respubliki Biełaruś?
Hetaja navina całkam układajecca ŭ ahulnuju łohiku raźvićcia padziej u Biełarusi. Tak, z 17 listapada 2023 hoda čynoŭniki i dziaržaŭnyja słužboŭcy, kab vyjechać za miežy krainy, musiać prasić dazvoł. Kab jaho atrymać, treba za 10 dzion da pajezdki padavać zajavu. U joj čynoŭnik musić paznačać krainu naviedańnia i krainy tranzitu, metu pajezdki i kančatkovy adras.
Biełaruś i Rasija stvaryli kamisiju dla «abarony histaryčnaj praŭdy»
«Pa asabistym ukazańni nie ŭziali na pracu». Čym zajmajucca ŭ biełaruskich VNU prarektary pa biaśpiecy i pry čym tut KDB
«Adukacyja cierpić sapraŭdny krach i bankructva». Pierad vybarami ŭ BDU idzie novaja chvala represij suprać vykładčykaŭ
Ciapier čytajuć
Były biełaruski vajar sutki katavaŭ svajho siabra, a paśla zabiŭ siabie18
Kamientary