У палон да ўкраінцаў трапіў 33-гадовы наркаман з Віцебска, якога на фронце выкарыстоўвалі як «адкрывачку»
Відэа з Андрэем Лапатнёвым выйшла на канале Butusov Plus. Мы даведаліся пра беларуса больш.
Андрэю Лапатнёву 33 гады. Па звестках Digital Intelligence Team, ён сапраўды беларус, нарадзіўся і ўсё жыццё пражыў у Віцебску. На ўкраінскім відэа ён кажа, што вучыўся ў Віцебскім дзяржаўным тэхналагічным універсітэце, але з базаў «Кіберпартызанаў» вядома толькі, што Лапатнёў скончыў Віцебскі дзяржаўны каледж лёгкай прамысловасці і тэхналогіяў.
У яго дзве малыя дачкі, але з жонкай ён у разводзе.
Лапатнёў змяніў вельмі шмат месцаў працы — ён працаваў у будаўнічых фірмах, пякарнях, заводзе «Марка», пладоваагароднінным камбінаце і іншых фірмах. Па стане на 2023 год віцебчук працаваў у будаўнічай фірме. На яго нумар зарэгістраваны актыўны акаўнт у анлайн-казіно.
Лапатнёў меў праблемы з законам. У яго больш за дзясятак адміністратывак за п'янкі. Таксама яго чатыры разы судзілі — за ўжыванне наркотыкаў па ч. 1 арт. 328 і за парушэнне рэжыму. З 2017 па 2019 гады ён правёў у калоніі №12 для рэцыдывістаў у Оршы.
На відэа Лапатнёў кажа, што збіраўся ехаць на працу ў Еўрасаюз. Але вырашыў ужыць наркотыкі, і яго зноў затрымалі. Пасля адпусцілі пад падпіску аб нявыездзе.
У Лапатнёва выспеў план — нелегальна выехаць з Беларусі праз Расію. Ён даехаў да Масквы, але 2 красавіка 2024 яго затрымалі. Паліцэйскія прапанавалі яму кантракт на вайну — маўляў, тады пакарання не будзе. Па словах Лапатнёва, яго падманулі, паабяцаўшы, што на вайну ён не паедзе, будзе тылавіком.
«Хто мне дасць аўтамат, калі я наркаман? Думак пра тое, што буду ваяваць, у мяне не было, што я буду з аўтаматам некуды ісці, у некага страляць… У мяне зрок мінус 3, у каго я магу стрэліць», — расказаў палонны беларус.
У выніку Лапатнёў усё ж паехаў на вайну, трапіў у 123-ю мотастралковую брыгаду. Ён паўтара месяца вучыўся на палігоне, а пасля паўтара месяца працаваў у штабе.
Ён не спрабаваў звязацца з беларускімі ўладамі або сваякамі, а таксама падаў заяву на расійскае грамадзянства.
Пасля гэтага яму далі заданне — быць «адкрывачкай». Гэта чалавек, які ў складзе групы ідзе наперад і «ўскрывае» пазіцыі праціўніка — коштам свайго жыцця. Там Лапатнёў і трапіў у палон. Цяпер просіць, каб яго абмянялі і вярнулі ў Беларусь.
«Наша Нiва» — бастыён беларушчыны
ПАДТРЫМАЦЬЦяпер чытаюць
Хто той рэдактар беларускай Вікіпедыі, якога пасадзілі на два гады за «дыскрэдытацыю Беларусі»23
Каментары
водка і недахоп нацыяналізму. цікава, ўладальнікі Маскоўскай імперыі: ратнэбергі, пуціны, кабаевы, кадыравы і г.д маці паштоўку ў РБ даслалі ? падзякавалі за тутэйшага сына, вернага служку эмпэрыі Хана Джучы і Івана Жахлівага (як пісаў К. Маркс і нашы гісторыкі ) ?
БЕЛАРУСЫ / ЛІТВІНЫ / Беларусь /ВКЛ трэба 2 назвы выкарыстоўваць сёння , як Угорцы, Фіны, Албанцы і г.т