Белстат: Знешнегандлёвы абарот тавараў у студзені скараціўся на $500 мільёнаў
Знешнегандлёвы абарот беларускіх тавараў у студзені 2025 года склаў 5 957,3 мільёна даляраў, сведчаць звесткі Белстата. У студзені 2024 года гэты паказчык быў 6 279,2 мільёна даляраў, што сведчыць пра яго скарачэнне ў гадавым вымярэнні на 5,1%.
Экспарт за першы месяц гэтага года склаў усяго 2 726,5 мільёна даляраў, тады як годам раней ён быў 3 079,7 мільёна даляраў. Такім чынам, зніжэнне склала 11,5%.
Імпарт у пачатку 2025 года дасягнуў $3 230,8 мільёна. Пры гэтым годам раней ён складаў $3 199,5 мільёна, што азначае павелічэнне імпарту на 1%.
Баланс знешняга гандлю таварамі для Беларусі ў мінулым месяцы склаўся адмоўным — $504,3 мільёна. У мінулым годзе за аналагічны перыяд гэты паказчык быў значна ніжэйшы — 119,8 мільёна даляраў мінус.
Раней стала вядома, што беларускія ўлады паставілі перад сабой задачу на 2025 год павялічыць экспарт тавараў і паслуг на 5,4%. Пры гэтым эканоміка Беларусі ў цэлым павінна вырасці на 4,1%.
Цяпер чытаюць
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»54
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары