Biełstat: Źniešniehandlovy abarot tavaraŭ u studzieni skaraciŭsia na $500 miljonaŭ
Źniešniehandlovy abarot biełaruskich tavaraŭ u studzieni 2025 hoda skłaŭ 5 957,3 miljona dalaraŭ, śviedčać źviestki Biełstata. U studzieni 2024 hoda hety pakazčyk byŭ 6 279,2 miljona dalaraŭ, što śviedčyć pra jaho skaračeńnie ŭ hadavym vymiareńni na 5,1%.
Ekspart za pieršy miesiac hetaha hoda skłaŭ usiaho 2 726,5 miljona dalaraŭ, tady jak hodam raniej jon byŭ 3 079,7 miljona dalaraŭ. Takim čynam, źnižeńnie skłała 11,5%.
Impart u pačatku 2025 hoda dasiahnuŭ $3 230,8 miljona. Pry hetym hodam raniej jon składaŭ $3 199,5 miljona, što aznačaje pavieličeńnie impartu na 1%.
Bałans źniešniaha handlu tavarami dla Biełarusi ŭ minułym miesiacy skłaŭsia admoŭnym — $504,3 miljona. U minułym hodzie za anałahičny pieryjad hety pakazčyk byŭ značna nižejšy — 119,8 miljona dalaraŭ minus.
Raniej stała viadoma, što biełaruskija ŭłady pastavili pierad saboj zadaču na 2025 hod pavialičyć ekspart tavaraŭ i pasłuh na 5,4%. Pry hetym ekanomika Biełarusi ŭ cełym pavinna vyraści na 4,1%.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary