Улады ЗША арыштавалі другі самалёт, які належыць венесуэльскаму лідару Нікаласу Мадуру
Бізнес-джэт Dassault Falcon 200EX з рэгістрацыйным нумарам YV-3360 быў раней канфіскаваны і з красавіка мінулага года знаходзіўся ў аэрапорце сталіцы Дамініканскай Рэспублікі Санта-Дамінга.
Там жа прайшла сімвалічная цырымонія — на дзверы самалёта наклеілі ордар на арышт у прысутнасці дзяржсакратара ЗША Марка Рубіа, які знаходзіцца ў Дамінікане з афіцыйным візітам, піша Бі-бі-сі.
Паветранае судна было набыта ў 2017 годзе венесуэльскай дзяржаўнай нафтавай кампаніяй PDVSA у ЗША. Пасля ўвядзення санкцый супраць PDVSA самалёт «неаднаразова абслугоўваўся і рамантаваўся з выкарыстаннем дэталяў з ЗША», што парушае амерыканскія законы аб экспартным кантролі і санкцыях.
У бліжэйшы час самалёт пераправяць у Маямі. Першы бізнэс-джэт Мадура ўлады ЗША канфіскавалі ў верасні, пасля чаго яго таксама перавезлі з Дамініканы ў Фларыду.
Цяпер чытаюць
«Пра сустрэчу Луку заўсёды прасілі перадаць Пуціну». Шустэр расказаў, як Лукашэнка прапаноўваў свае паслугі амерыканцам11
Каментары