Розніца паміж 2023 і 2024 гадамі істотная.
Паводле даных літоўскай Дзяржаўнай службы аховы мяжы, летась зарэгістравалі каля 1,5 мільёна перасячэнняў мяжы беларусамі, у 2023 годзе — каля 2,6 мільёна, а ў 2022 годзе мяжу перасеклі каля 1,7 мільёна беларусаў, піша LRT са спасылкай на BNS.
На думку міністра ўнутраных спраў Літвы Уладзіслава Кандратовіча, такія лічбы могуць быць звязаныя са змяншэннем колькасці беларусаў на літоўскім рынку працы, закрыццём часткі памежных пунктаў з Беларуссю і іншымі мерамі, якія ўзмацнілі кантроль пры ўездзе ў краіну (напрыклад, забарона на ўезд на аўто на беларускіх нумарах).
На дадзены момант на мяжы Літвы і Беларусі дзейнічаюць пункты пропуску «Каменны Лог» і «Беняконі».
Паводле даных Дэпартамента міграцыі, на 1 снежня мінулага года від на жыхарства ў Літве мелі 59 тысяч грамадзян Беларусі.
У МУС Літвы адзначылі, што пакуль не збіраюцца змякчаць абмежаванні.
Някляеў апублікаваў злабадзённы верш. У ім згадваецца і Калеснікава з Бабарыкам, і Ціханоўская, і Пракоп'еў з Пазняком23
Каментары