Прэм'ер-міністр Польшчы Дональд Туск лічыць, што ў бліжэйшы час можна чакаць важныя заявы пра спыненне агню ва Украіне. Але прагназуе праз гэта новыя выклікі для Еўропы.
На сустрэчы з журналістамі Туск распавёў пра перамовы на саміце ЕС у Будапешце.
«Няма сумневаў, што гэты новы палітычны ландшафт з'яўляецца сур'ёзным выклікам для ўсіх, асабліва ў кантэксце магчымага спынення расійска-ўкраінскай вайны ў выніку пагаднення, напрыклад, прэзідэнта Расіі і новага прэзідэнта Злучаных Штатаў. Пра гэта таксама шмат казалі як пра нейкі магчымы — у найбліжэйшыя, можа быць, не дні, а месяцы — сцэнар», — перадае словы Туска pap.pl.
Паводле яго слоў, Еўропу чакае «вельмі цяжкі час».
«Усе разумеюць, што нас чакае вельмі цяжкі час. І Польшча знаходзіцца ў асаблівым месцы: можа быць, не ў цэнтры гэтага патэнцыйнага цыклона, але ў вельмі складаным месцы. Таму вельмі важна, каб мы захоўвалі спакой, добра вызначалі свае інтарэсы, а таксама павінны дакладна разумець намеры як найбуйнейшых гульцоў, так і прэзідэнта Украіны. Сітуацыя і магчымыя рашэнні ў дачыненні да Украіны павінны (…) гарантаваць бяспеку Польшчы», — адзначыў Туск.
Ён сказаў, што на саміце падымаў пытанне магчымага адыходу ЗША ад украінскага пытання.
«Менавіта пра гэта я гаварыў з прэм'ер-міністрам Вялікабрытаніі, прэм'ер-міністрам Францыі і нашымі скандынаўскімі сябрамі, што азначае для нас гэты патэнцыйны выхад Злучаных Штатаў з актыўнай палітыкі ва Украіне. Я б вельмі хацеў (…) каб ні ў адным з гэтых варыянтаў Польшча не была адна. Польскі народ не хоча эскалацыі канфлікту, я не хачу далучаць Польшчу ў расійска-ўкраінскую вайну,
і ў той жа час ніхто не хоча ні ў якім выпадку паслаблення Украіны ці нават яе капітуляцыі, гэта было б фундаментальнай пагрозай для Польшчы і для польскіх інтарэсаў», — адзначыў Туск.
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары