Premjer-ministr Polščy Donald Tusk ličyć, što ŭ bližejšy čas možna čakać važnyja zajavy pra spynieńnie ahniu va Ukrainie. Ale prahnazuje praz heta novyja vykliki dla Jeŭropy.
Na sustrečy z žurnalistami Tusk raspavioŭ pra pieramovy na samicie ES u Budapiešcie.
«Niama sumnievaŭ, što hety novy palityčny łandšaft źjaŭlajecca surjoznym vyklikam dla ŭsich, asabliva ŭ kantekście mahčymaha spynieńnia rasijska-ŭkrainskaj vajny ŭ vyniku pahadnieńnia, naprykład, prezidenta Rasii i novaha prezidenta Złučanych Štataŭ. Pra heta taksama šmat kazali jak pra niejki mahčymy — u najbližejšyja, moža być, nie dni, a miesiacy — scenar», — pieradaje słovy Tuska pap.pl.
Pavodle jaho słoŭ, Jeŭropu čakaje «vielmi ciažki čas».
«Usie razumiejuć, što nas čakaje vielmi ciažki čas. I Polšča znachodzicca ŭ asablivym miescy: moža być, nie ŭ centry hetaha patencyjnaha cykłona, ale ŭ vielmi składanym miescy. Tamu vielmi važna, kab my zachoŭvali spakoj, dobra vyznačali svaje intaresy, a taksama pavinny dakładna razumieć namiery jak najbujniejšych hulcoŭ, tak i prezidenta Ukrainy. Situacyja i mahčymyja rašeńni ŭ dačynieńni da Ukrainy pavinny (…) harantavać biaśpieku Polščy», — adznačyŭ Tusk.
Jon skazaŭ, što na samicie padymaŭ pytańnie mahčymaha adychodu ZŠA ad ukrainskaha pytańnia.
«Mienavita pra heta ja havaryŭ z premjer-ministram Vialikabrytanii, premjer-ministram Francyi i našymi skandynaŭskimi siabrami, što aznačaje dla nas hety patencyjny vychad Złučanych Štataŭ z aktyŭnaj palityki va Ukrainie. Ja b vielmi chacieŭ (…) kab ni ŭ adnym z hetych varyjantaŭ Polšča nie była adna. Polski narod nie choča eskałacyi kanfliktu, ja nie chaču dałučać Polšču ŭ rasijska-ŭkrainskuju vajnu,
i ŭ toj ža čas nichto nie choča ni ŭ jakim vypadku pasłableńnia Ukrainy ci navat jaje kapitulacyi, heta było b fundamientalnaj pahrozaj dla Polščy i dla polskich intaresaŭ», — adznačyŭ Tusk.
Ciapier čytajuć
«Ciapier mnie čužaja sama kancepcyja ŭžyć niešta, čaho ty nie viedaješ». Vialikaja hutarka ź Ivanam Šyłam pra biznes, zarablańnie z dapamohaj ŠI, žančyn i botaks15
Kamientary