У Саудаўскай Аравіі пасля моцных дажджоў і граду выпаў снег, уключаючы і пустынную мясцовасць. Кадры з рэдкай для гэтых краёў з'явай абляцелі сацыяльныя сеткі.
Паводле інфармацыі выдання Khaleejtimes, у некаторых частках Саудаўскай Аравіі наступілі халады. Пасля моцных дажджоў і снегу ў некаторых мясцовасцях выпаў снег. Пераважна гэта адбылося ў горных раёнах.
Адзначаецца, што рэгіён Эль-Джауф, дзе выпаў снег, вядомы сезоннымі палявымі кветкамі. Увесну тут расцвітаюць лаванда, хрызантэмы і іншыя расліны.
Snow blankets the Al-Jouf region, north of #Saudi Arabia ❄️ pic.twitter.com/g8tgTHDS9I
Між тым, паводле інфармацыі Saudigazette, у рэгіёне ўсё яшчэ ёсць верагоднасць навальніц, якія суправаджаюцца моцнымі вятрамі, адсутнасцю бачнасці, градам і залевамі ў найбліжэйшыя дні.
Снег у Саудаўскай Аравіі — з'ява рэдкая, але час ад часу здараецца. Напрыклад, у канцы 2022 года снег выпаў у горадзе Табуку. Жыхары іншых рэгіёнаў тады спецыяльна прыязджалі ў горад, каб на гэта паглядзець. Акрамя таго, да гэтага снег выпадаў у горнай мясцовасці на паўночным захадзе Саудаўскай Аравіі.
Цяпер чытаюць
Адпачынак у Эміратах скончыўся для сям'і трагедыяй: «Мама памерла, а айчым апынуўся ў турме»11
Адпачынак у Эміратах скончыўся для сям'і трагедыяй: «Мама памерла, а айчым апынуўся ў турме»
Расійскія і лукашэнкаўскія спецслужбы на фоне залёту дронаў у Польшчу правялі інфаатаку. Яе зладжанасць дае падставы думаць, што залёт быў спланаваны1616
Каментары