Грамадства33

Што будзе з аўтобуснымі турамі ў Еўропу пасля закрыцця мяжы з Польшчай

З 12 верасня Польшча плануе закрыць усе дзейныя пункты пропуску на мяжы з Беларуссю. Калі гэта здарыцца і будзе працягвацца больш за 5—7 дзён, беларускія турфірмы, якія займаюцца аўтобуснымі турамі ў Еўропу, могуць панесці вялікія фінансавыя страты, піша Office Life.

Здымак ілюстрацыйны. Фота: freepik.com

Падарожнікі таксама пацерпяць, бо нават часткова кампенсаваць выдаткі на падрыхтоўку паездкі ім ніхто не зможа. Звычайная страхоўка ў гэтай сітуацыі не дапаможа.

Беларускія турфірмы, як аказалася, чакалі нейкіх ускладненняў. Напрыклад, адна з кампаній, якая арганізуе аўтобусныя туры, ужо перанесла частку паездак, каб яны не супадалі з тэрмінамі вайсковых вучэнняў «Захад» у Беларусі. Як адзначае прадстаўнік кампаніі, ім удалося мінімізаваць частку рызыкі, але цалкам яе пазбегнуць не атрымалася.

Іншыя турфірмы шукаюць магчымасць аб’езду праз Літву або Латвію. Аднак гэта складана: напрыклад, кірунак праз Літву цяпер вельмі перагружаны, а каб трапіць у Латвію, усе пасажыры без латвійскай візы ці дазволу на жыхарства павінны за 48 гадзін да ўезду запоўніць электронную анкету самастойна. Для вялікай групы людзей гэта стварае істотныя цяжкасці, асабліва калі да выезду застаецца мала часу.

Большасць турфірмаў зараз чакаюць афіцыйнага паведамлення польскіх уладаў пра закрыццё мяжы, каб даведацца дакладныя тэрміны. Спецыялісты адзначаюць: калі закрыццё будзе больш за 5—7 дзён, страты будуць вельмі істотныя. Не ўсе туры можна перанесці па часе, а многія турысты не змогуць змяніць дату паездкі з-за адпачынку або тэрмінаў дзеяння візы.

У выпадку адмены тураў турфірмы павінны будуць кампенсаваць кліентам большую частку выдаткаў, што можа стварыць праблемы з вяртаннем грошай партнёрам у Еўропе і гатэлям, а часам гэта можа прывесці і да штрафаў.

Кліенты турфірмаў таксама не цалкам абаронены. Некаторыя змогуць пагадзіцца на перанос тура, але гэта магчыма толькі пры наяўнасці доўгатэрміновай візы. Шмат хто атрымлівае візу на канкрэтныя даты паездкі, а калі гэтыя даты мяняюцца, візу трэба адкрываць наноў. Варта адзначыць, што грошы за невыкарыстаную візу не вернуць. «Страхоўка ад нявыезду» на такі выпадак не распаўсюджваецца.

Акрамя таго, гэтая сітуацыя можа знізіць попыт на аўтобусныя туры ў Еўропу на найбліжэйшы час, бо людзі будуць баяцца паўтору падобных праблем. Паводле старшыні Рэспубліканскага саюзу турыстычнай індустрыі Філіпа Гулага, гэта можа павялічыць цікавасць да менш рызыкоўных маршрутаў, напрыклад, у Баку, Тбілісі, краіны Цэнтральнай Азіі або рэгіёны Расіі.

Каментары3

  • Ох
    10.09.2025
    "Што будзе з аўтобуснымі турамі" - ничего не будет, забудьте как страшный сон. Не при нашей жизни. Аэропорт Стамбула - наше все.
  • Лапідарый
    10.09.2025
    Сіпаты, крычы грамчэй пра ядзерныя ўдары па суседзям і вагнераў да Варшавы. Так з турфірмамі як з Белавія і каліем стане ўсе окей. Так гарантуеш незалежнасьць і адарвесься ад Расеі.
  • in der klasse sind alle da!
    10.09.2025
    [Рэд. — Дзякуй за заўвагу]

    [Зрэдагавана]

Цяпер чытаюць

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны18

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Усе навіны →
Усе навіны

Эстонія закрывае мяжу з Расіяй з 1 снежня. Прычынай стала спроба ГРУ падпаліць абаронны завод 19

Пяць краін ЕС адкрываюць у Руандзе лагер для дэпартаваных мігрантаў. Раней Брытанія страціла на падобнай схеме амаль мільярд даляраў6

Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал27

У Мінску адкрылі новую дыспетчарскую станцыю замест знесенай савецкай. Але будынка там няма — толькі бытоўка і біятуалет1

У Беларусі за апошнія гады ліквідавалі 40 праваслаўных прыходаў5

Украінскія дроны не могуць дагнаць рэактыўныя «Шахеды». У SpaceX кажуць пра тэхнічны збой3

«А як ты выкупіў адразу акцэнт?» Рэпер Баста па голасе пазнаў музыканта з Чавусаў і расказаў пра сваё дзяцінства ў закрытым гарадку пад Дзятлавам8

Амаль 400‑метровы пуцеправод паміж Каменнай Горкай і Лебядзіным абяцаюць адкрыць да канца года2

На Канары за суткі прыбылі амаль паўтары тысячы мігрантаў5

больш чытаных навін
больш лайканых навін

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны18

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Галоўнае
Усе навіны →

Заўвага:

 

 

 

 

Закрыць Паведаміць