Міністэрства абароны Расіі ўпершыню адрэагавала на абвінавачанні Польшчы і яе саюзнікаў у тым, што падчас масіраванай атакі на Украіну расійскія беспілотнікі парушылі паветраную прастору Польшчы.
У афіцыйнай заяве расійскага ведамства падкрэсліваецца, што ніякіх цэляў для паражэння на тэрыторыі Польшчы, маўляў, не планавалася. Таксама адзначаецца, што дальнасць палёту тых дронаў, якія выкарыстоўваліся падчас удару, не перавышае 700 кіламетраў, і таму іх перасячэнне мяжы з Польшчай выглядае малаверагодным.
Разам з тым, у Маскве выказалі гатоўнасць абмеркаваць гэты інцыдэнт з польскім Міністэрствам абароны, каб унесці яснасць у сітуацыю.
Раней Крэмль адмаўляўся даваць каментарыі адносна паведамленняў пра пранікненне беспілотнікаў у польскую паветраную прастору.
З іншага боку, кіраўнік польскага ўрада Дональд Туск паведаміў, што тры або чатыры расійскія беспілотнікі, якія ўяўлялі рэальную пагрозу, былі збітыя. Ён падкрэсліў, што гэта першы выпадак, калі расійскія дроны былі знішчаныя не толькі над тэрыторыяй Польшчы, але і ўвогуле над тэрыторыяй краін — членаў НАТА.
Цяпер чытаюць
«У мяне толькі адна мара — вярнуць свайго Дзімку». Маці былога палітвязня Дзмітрыя Гопты расказвае пра новую бяду сына. І просіць замаўляць у яе больш тортаў, каб справіцца
Каментары