У падземным сховішчы «Хезбалы» на поўдні Лівана знайшлі расійскую зброю
Ізраільскія сухапутныя войскі выявілі падземную базу групоўкі «Хезбала» на поўдні Лівана. Аб'ект выкарыстоўваўся як камандны цэнтр элітнага падраздзялення «Радван» і служыў месцам захоўвання зброі і боепрыпасаў, у тым ліку расійскай вытворчасці, паведаміў журналіст Bild Паўль Ранцхаймер, які разам з вайскоўцамі Ізраіля пабываў на базе.
Падчас візіту рэпарцёра суправаджаў контр-адмірал Даніэль Хагары, кіраўнік прэс-службы Арміі абароны Ізраіля (ЦАХАЛ). Хагары адзначыў, што ў вёсцы, дзе размяшчаецца падземны аб'ект, баевікі «Хезбалы» рыхтавалі маштабны напад на Ізраіль, які мог бы перасягнуць узровень атакі 7 кастрычніка 2023 года.
Падземны комплекс уключае ў сябе сістэму тунэляў, дзякуючы якім баевікі «Радвана» маглі аператыўна пранікнуць на тэрыторыю Ізраіля пешшу або на матацыклах. Па словах кіраўніка прэс-службы ЦАХАЛ, збудаванні былі створаныя з куды большым майстэрствам, чым тунэлі, якія выкарыстоўваюцца ХАМАС у сектары Газа. На стварэнне гэтых умацаванняў, на яго думку, спатрэбіліся гады.
Бункеры знаходзяцца на глыбіні каля 8 метраў, яны забяспечаныя сталёвымі перагародкамі і дзвярыма, а ўваходы ў іх размешчаныя ў жылых дамах.
Ізраільскія вайскоўцы выявілі ў гэтых тунэлях вялікую колькасць узбраення: ракеты, мінамётныя снарады, аўтаматы Калашнікава, боепрыпасы, бронекамізэлькі і іншае абсталяванне.
Ронцхаймер адзначыў, што гэта самы сучасны падземны бункер з пункту гледжання якасці канструкцыі і памеру памяшканняў, які ён калі-небудзь бачыў. Журналіст таксама паведаміў, што за некалькі дзён да гэтага ў суседняй вёсцы ён бачыў ракеты, дастаўленыя ў Ліван з Ірана праз Сірыю.
«Іранская і расійская зброя», — падкрэсліў ён.
Ізраіль гатовы атакаваць вайсковыя аб'екты Ірана
Ізраіль заклікаў ААН тэрмінова прыбраць з Лівана сваіх міратворцаў «дзеля іх жа бяспекі». Там служаць і беларусы
Міністр абароны Ізраіля паабяцаў, што атака на Іран будзе «смяротнай, дакладнай і нечаканай»
Прэм'ер Ізраіля паведаміў пра забойства «пераемніка пераемніка» Хасана Насралы
«Масад» планаваў падрыў пэйджараў «Хезбалы» з 2015 года
Цяпер чытаюць
Ахвяры інтэграцыі. Расія бясплатнымі пуцёўкамі і праз Рассупрацоўніцтва заваблівае беларускіх дзяцей20
Каментары
Нетаньягу зусім не наіўны, усё яму вядома, тым ня менш, ён спрабаваў зьвярнуцца да Пуціна па дапамогу ў вызваленьні закладнікаў. Ён напэўна спадзяваўся, што ў таго ў душы магло застацца крыху людзкасьці. Марна.