Расказваем, што вядома пра палітвязня, якога асудзілі за тэрарызм і разбой
Дзмітрыю Асіюку магло пагражаць смяротнае пакаранне. Прысуд невядомы.
Дзмітрыю Асіюку 36 гадоў, па звестках Digital intelligence team. Мяркуючы па сацсетках, родам ён з Бярозы, але апошнім часам жыў у Брэсце. У Асіюка ёсць жонка, дачка, якой каля 8 гадоў, і зусім малы сын.
Пра род заняткаў і адукацыю мужчыны дакладна невядома.
Згодна з запісамі з расійскіх базаў, Дзмітрый у 2016 годзе быў у вышуку па лініі Інтэрпала за «спрыянне нелегальнай міграцыі, здзейсненае паўторна». Але інфармацыі пра тое, чым скончылася справа, няма.
Асіюк за кратамі са снежня 2023 года. Суд над ім пачаўся 15 ліпеня і скончыўся 14 жніўня 2024 года. Яго вінавацілі па чатырох артыкулах: «акт тэрарызму» (ч. 3 арт. 289 КК), «незаконныя дзеянні ў дачыненні да зброі, боепрыпасаў і выбуховых рэчываў» (ч. 3 і 4 арт. 295 КК), «наўмыснае прывядзенне ў няспраўнасць транспартнага сродку або шляхоў зносінаў» (ч. 4 арт. 309 КК) і «разбой» (ч. 3 арт. 207 КК).
Асіюку магло пагражаць аж да расстрэлу.
Што за дзеянне яму закідаюць — невядома, але тэарэтычна гэта магла быць дыверсія на чыгунцы недзе ў Расіі.
Судзіў яго Мікалай Сянько. Ён жа прысудзіў шэсць гадоў айцішніцы Наталлі Левай.
Затрыманых некалькі соцень, некаторым пасля допытаў не вяртаюць пашпарты. Падрабязнасці аблавы на салідарных з палітвязнямі
Стала вядома, якія катэгорыі людзей пакінулі за кратамі пасля апошняй аблавы на салідарных з палітвязнямі
Дзяўчыну, якая вучылася ў Варшаўскім універсітэце і доўгі час жыла ў Польшчы, арыштавалі за дапамогу палітвязням
Цяпер чытаюць
Тамара Віннікава прадала свой лонданскі дом, завешаны карцінамі самой сябе ШМАТ ФОТА23
Каментары