Праваабарончы цэнтр «Вясна» прааналізаваў лічбы рэпрэсій, што прайшлі з часу пачатку выбарчай кампаніі 2020 года.
За чатыры гады з прычыны палітычнага пераследу было затрымана каля 65 тыс.чалавек (адныя з першых затрыманняў адбыліся 29 мая 2020 года падчас пікету Ціханоўскага ў Гродне).
Большасць, натуральна, былі затрыманыя па адміністрацыйных справах, вядома як мінімум пра 6.971 фігуранта палітычна матываваных крымінальных спраў.
Агулам рэпрэсіям (затрыманні, прысуды, штрафы, звальненні) падвергліся каля 74 тысяч чалавек.
Колькасць палітвязняў за гэты час вырасла ў 55,5 разы: роўна чатыры гады таму іх было 25, а па стане на 9 жніўня 2024 года — 1.385.
Цалкам адбылі свой тэрмін 1140 чалавек.
Больш за дзве тысячы чалавек маюць статус былых палітвязняў.
Мінімум 268 палітвязняў знаходзяцца ў асаблівай рызыцы за кратамі. Сярод іх 19 чалавек з інваліднасцю, 103 — у цяжкім стане здароўя, 63 — старэйшыя за 60 гадоў (многія з іх маюць вялікія праблемы са здароўем), а таксама дзесяць з ментальнымі разладамі.
Пяцёра чалавек загінулі падчас пратэстаў (Аляксандр Тарайкоўскі, Генадзь Шутаў, Мікіта Крыўцоў, Аляксандр Віхор, Раман Бандарэнка).
Шасцёра палітвязняў памерлі ў месцах пазбаўлення волі: (Вітольд Ашурак, Мікалай Клімовіч, Алесь Пушкін, Ігар Леднік, Аляксандр Кулініч).
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра11
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра
«Што, грохнуць дзяцей Ціханоўскай, каб звярнулі ўвагу на маю праблему?» Як тупы каментар актывіста Дзяніса Дашкевіча стварыў яму праблемы ў Польшчы2929
Каментары
А па факце: адных толькі палітычна матываваных крымінальных спраў пад 7000.
Агулам рэпрэсіям (затрыманні, прысуды, штрафы, звальненні) падвергліся каля 74 тысяч чалавек.