Za čatyry hady z pačatku pratestaŭ zatrymali 65 tysiač čałaviek
Pravaabarončy centr «Viasna» praanalizavaŭ ličby represij, što prajšli z času pačatku vybarčaj kampanii 2020 hoda.
Za čatyry hady z pryčyny palityčnaha pieraśledu było zatrymana kala 65 tys.čałaviek (adnyja ź pieršych zatrymańniaŭ adbylisia 29 maja 2020 hoda padčas pikietu Cichanoŭskaha ŭ Hrodnie).
Bolšaść, naturalna, byli zatrymanyja pa administracyjnych spravach, viadoma jak minimum pra 6.971 fihuranta palityčna matyvavanych kryminalnych spraŭ.
Ahułam represijam (zatrymańni, prysudy, štrafy, zvalnieńni) padvierhlisia kala 74 tysiač čałaviek.
Kolkaść palitviaźniaŭ za hety čas vyrasła ŭ 55,5 razy: roŭna čatyry hady tamu ich było 25, a pa stanie na 9 žniŭnia 2024 hoda — 1.385.
Całkam adbyli svoj termin 1140 čałaviek.
Bolš za dźvie tysiačy čałaviek majuć status byłych palitviaźniaŭ.
Minimum 268 palitviaźniaŭ znachodziacca ŭ asablivaj ryzycy za kratami. Siarod ich 19 čałaviek ź invalidnaściu, 103 — u ciažkim stanie zdaroŭja, 63 — starejšyja za 60 hadoŭ (mnohija ź ich majuć vialikija prablemy sa zdaroŭjem), a taksama dziesiać ź mientalnymi razładami.
Piaciora čałaviek zahinuli padčas pratestaŭ (Alaksandr Tarajkoŭski, Hienadź Šutaŭ, Mikita Kryŭcoŭ, Alaksandr Vichor, Raman Bandarenka).
Šaściora palitviaźniaŭ pamierli ŭ miescach pazbaŭleńnia voli: (Vitold Ašurak, Mikałaj Klimovič, Aleś Puškin, Ihar Lednik, Alaksandr Kulinič).
Ciapier čytajuć
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?2
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary
A pa fakcie: adnych tolki palityčna matyvavanych kryminalnych spraŭ pad 7000.
Ahułam represijam (zatrymańni, prysudy, štrafy, zvalnieńni) padvierhlisia kala 74 tysiač čałaviek.