Штаб Камалы Харыс усяго за тыдзень сабраў рэкордную суму на яе прэзідэнцкую кампанію
Віцэ-прэзідэнтка ЗША Камала Харыс, якая ўключылася ў прэзідэнцкую гонку толькі ў пачатку мінулага тыдня, ужо сабрала вялікую суму ахвяраванняў на сваю выбарчую кампанію. Як паведамляе Financial Times са спасылкай на прадстаўнікоў Камалы Харыс, яе перадвыбарчы штаб менш чым за тыдзень сабраў $200 млн.
Майкл Тайлер, дырэктар па камунікацыях кампаніі Харыс, назваў гэта «рэкордным дасягненнем», адзначыўшы, што 66% з названай сумы паступіла ад людзей, якія ўпершыню зрабілі падобнае ахвяраванне.
Выданне адзначае, што Харыс сабрала за тыдзень больш, чым дзейны прэзідэнт Джо Байдэн і былы кіраўнік Белага дома Дональд Трамп за ўвесь чэрвень разам узятыя: штаб Байдэна прыцягнуў менш за $63,8 млн у мінулым месяцы, а Трампа — каля 105 млн.
Пры гэтым, паводле даных аб фінансаванні перадвыбарнай гонкі ў ЗША, да канца чэрвеня кампанія Трампа і звязаныя з ёй камітэты палітычных дзеянняў сабралі ўсяго каля $757 млн, у тым ліку $431,2 млн у красавіку-чэрвені.
Групы, звязаныя з Байдэнам, да яго выхаду з выбарчай кампаніі сабралі $746 млн, у тым ліку $332,4 млн у II квартале.
Прэзідэнцкая гонка ў ЗША радыкальна падзяліла маладых жанчын і мужчын. У каго якія прыярытэты?
Трамп заявіў аб намеры зрабіць ЗША крыптавалютнай звышдзяржавай. Раней ён называў біткойн афёрай
Барак Абама падтрымаў кандыдатуру Камалы Харыс на выбарах у ЗША
Сярод зарэгістраваных выбарцаў за Трампа 48%, за Харыс 46% — апытанне New York Times
Цяпер чытаюць
Расійская блогерка-мільённіца, якая зганьбілася з беларускай мовай, запісала відэа з тлумачэннямі — але так і не выбачылася34
Каментары