Навукоўцы знайшлі на Месяцы пячору. Яны спадзяюцца, што ў ёй калі-небудзь паселяцца астранаўты
Глыбіня пячоры, знойдзенай італьянскімі навукоўцамі пры дапамозе радара, складае 100 метраў.
Навукоўцы ўпершыню выявілі на Месяцы пячору, якая тэарэтычна можа быць ідэальным месцам для ўладкавання заселенай базы на спадарожніку Зямлі, піша Бі-бі-сі.
Глыбіня пячоры, знойдзенай італьянскімі навукоўцамі пры дапамозе радара, складае мінімум 100 метраў. Аднак даследчыкі мяркуюць, што яна з'яўляецца толькі адной з сотняў такіх пячор, якія хаваюцца ў «яшчэ не вывучаным падземным свеце» месяца.
Навукоўцы Ларэнца Бруцоне і Леанарда Карэр з Універсітэта Трэнта ў Італіі выявілі пячору, вывучаючы здымкі добра вядомага месяцовага раёна пад назвай Мора спакою.
Гэта Месяцовае мора можна ўбачыць з Зямлі няўзброеным вокам, і менавіта там у 1969 годзе ажыццявілі першую ў гісторыі пасадку амерыканскія астранаўты місіі «Апалон-11».
Уваход у пячору знаходзіцца на месяцовай паверхні, а пад ім размяшчаюцца вертыкальныя сцены.
Навукоўцы мяркуюць, што пячора ўзнікла мільёны ці нават мільярды гадоў таму, калі на Месяцы перасоўвалася распаленая лава — менавіта яна магла прарабіць у камянях такі тунэль.
Найбліжэйшым падобным феноменам на Зямлі навукоўцы называюць вулканічныя пячоры на іспанскай выспе Лансаротэ, кажа прафесар Карэр. Ён дадае, што італьянскія навукоўцы наведвалі гэты востраў падчас сваіх даследаванняў.
Навукоўцы западозрылі, што на Месяцы ёсць пячоры, яшчэ каля 50 гадоў таму. Але толькі ў 2010 годзе амерыканскае касмічнае агенцтва НАСА адправіла на Месяцовую арбіту апарат пад назвай Lunar Reconnaissance Orbiter, які пры дапамозе радараў вывучыў месцы, дзе маглі знаходзіцца ўваходы ў пячоры.
У выніку аналізу атрыманых малюнкаў і было зроблена цяперашняе адкрыццё.
«Гэта дзіўна. Калі робіш такія адкрыцці, то глядзіш на атрыманыя здымкі і разумееш, што ты першы чалавек у гісторыі чалавецтва, які гэта бачыць», — распавядае Карэр.
Ён дадае, што аўтары даследавання адразу зразумелі, што Месяцовая пячора можа быць добрым месцам для базы астранаўтаў. «Урэшце жыццё на Зямлі пачыналася менавіта ў пячорах, так што людзі маглі б пасяліцца ў іх і на Месяцы», — заўважае Карэр.
Адкрытую імі пячору яшчэ трэба будзе вывучыць — і для гэтага навукоўцы спадзяюцца выкарыстоўваць радары, камеры або нават робатаў. Пакуль ім не вядомая ні дакладная глыбіня гэтай пячоры, ні дакладны механізм іх узнікнення.
Цяпер чытаюць
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ17
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3030
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»30
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары
https://www.unian.ua/pogoda/news/v-antarktici-zafiksuvali-anomalne-pidvishchennya-temperaturi-v-rozpal-zimi-chim-ce-zagrozhuye-12703593.html