«Мы ўсё яшчэ ў справе, на 100% і да канца». Байдэн папрасіў у Зяленскага прабачэння за затрымку вайсковай дапамогі
Прэзідэнт ЗША Джо Байдэн 7 чэрвеня публічна папрасіў прабачэння ў прэзідэнта Украіны Уладзіміра Зяленскага за шматмесячную затрымку амерыканскай вайсковай дапамогі, якая дазволіла Расеі дамагчыся поспехаў на полі бою, піша Euronews.
Фота: AP Photo/Evan Vucci
Выступаючы ў Парыжы, куды абодва прэзідэнты запрошаныя ў рамках святкавання 80-й гадавіны высадкі саюзнікаў у Нармандыі, Джо Байдэн заявіў Уладзіміру Зяленскаму, што просіць прабачэння перад украінскім народам за тое, што ён шмат тыдняў знаходзіўся ў падвешаным стане, не ведаючы, ці паступіць дадатковая дапамога ад ЗША.
Байдэн пры гэтым падкрэсліў, што амерыканскі народ будзе падтрымліваць Украіну ў доўгатэрміновай перспектыве.
«Мы ўсё яшчэ ў справе, на 100% і да канца», — заявіў амерыканскі прэзідэнт.
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары