Літва ўскладняе вываз аўтамабіляў у Беларусь, каб іх не перапрадавалі ў Расію
У Літве ўвялі новыя правілы вывазу з тэрыторыі краіны ў Беларусь аўтамабіляў, не старэйшых за 5 гадоў. Ад экспарцёра і грузаатрымальніка цяпер будуць патрабаваць гарантыі, што машына не будзе прададзеная ў Расію, паведамляе літоўская мытня.
Уведзеныя меры, якія пачнуць дзейнічаць з 4 чэрвеня, маюць перашкодзіць абыходу санкцый, уведзеных супраць Расіі. Пры экспарце аўтамабіляў, не старэйшых за 5 гадоў ад моманту выпуску, літоўскія мытнікі цяпер будуць патрабаваць:
- Дамову куплі-продажу;
- Дакумент, які сведчыць атрыманне грошай ад пакупніка (выпіску з банка);
- Даведку аб канчатковым атрымальніку тавару і тлумачэнне, дзе будзе выкарыстоўвацца тавар;
- Абавязацельства або пацвярджэнне экспарцёра і грузаатрымальніка, што тавар не прызначаны для Расіі і не будзе прададзены або іншым чынам перададзены для выкарыстання ў Расіі;
- Абавязак цягам 40 дзён пасля перасячэння мяжы перадачы копіі мытнай дэкларацыі або іншага дакумента, які будзе сведчыць, што аўтамабіль размытнілі не ў Расіі.
Літоўская мытня папярэджвае, што калі машына, вывезеная з Літвы, усё ж такі апынецца ў Расіі, то гэта будзе лічыцца парушэннем санкцыйнага рэжыму. Да высвятлення ўсіх акалічнасцяў экспарцёру, які такое дапусціў, забароняць вывозіць іншыя аўтамабілі.
Ёсць новыя абмежаванні і для фізічных асоб. Купленую ў ЕС машыну цяпер вывезці ў Беларусь зможа толькі ўладальнік — асоба, якая набыла аўта. Раней гэта маглі зрабіць і па даверанасці.
Як Беларусь стала хабам для люксавых аўто з Еўропы. Лічбы ўражваюць
Купля аўто з Еўропы і ЗША на замову — неапраўданая рызыка або рэальная магчымасць сэканоміць?
Польшча патлумачыла забарону на ўвоз аўтамабіляў на транзітных нумарах у Беларусь
Перагоншчыкі люксавых аўто знайшлі новы маршрут, каб дастаўляць санкцыёнку ў Расію ў абыход Беларусі
Польшча перастала выпускаць у Беларусь люксавыя аўто па просьбе Латушкі?
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары