26-гадовы дальнабойнік з Беларусі трапіў у Польшчы ў ДТЗ са смяротным зыходам. У ягоную фуру ўрэзаўся легкавы аўтамабіль Volkswagen, які здзяйсняў небяспечны манеўр. Кіроўца Volkswagen загінуў, паведамляе Most.
Аварыя адбылася раніцай 9 мая ў Касцянскім павеце Вялікапольскага ваяводства.
Як паведамляюць польскія медыя, на рамантаваным участку дарогі рух быў папераменным. Машыны, якія ехалі з боку горада Глухава, чакалі магчымасці ўезду на гэты ўчастак. Але адзін з кіроўцаў, 28-гадовы жыхар мястэчка Чэмпінь, вырашыў аб'ехаць іх. Ён выехаў на адкрыты ўчастак руху і там сутыкнуўся з грузавіком DAF з паўпрычэпам, якім кіраваў беларус.
Кіроўца легкавога аўтамабіля атрымаў цяжкія траўмы. Нягледзячы на спробы рэанімаваць мужчыну, ён памёр. Беларус не пацярпеў.
Абставіны здарэння высвятляе мясцовая паліцыя пад наглядам пракуратуры.
«Літоўскіх перавозчыкаў могуць чакаць сур'ёзныя праблемы». Дальнабойшчыкі аб прапанове адбіраць ДНЖ у беларусаў за частыя паездкі на радзіму
У Італіі знайшлі мёртвым беларускага дальнабойшчыка
Затрымалі яшчэ аднаго беларуса па чарговым даносе правакатара з чат-рулеткі. Затрыманы сказаў, што падтрымлівае байцоў Палка Каліноўскага
Цяпер чытаюць
«Я супрацоўніца КДБ, у вас будуць праблемы». Мінчанка хацела напісаць скаргу ў оптыцы, але супрацоўніца паказала корачку12
Каментары