ЗША ўпершыню выкарысталі «зброю будучыні» пры адбіцці атакі на Ізраіль. Вось што пра яе вядома
Паведамленне пра першае выкарыстанне ў баявых умовах кіраванай зенітнай ракеты Standard Missile-3 (SM-3), якая распрацаваная для перахопу балістычных ракет, з'явілася на сайце Ваенна-марскога інстытута ЗША.
Ракетамі SM-3 абсталяваныя эсмінцы ВМС ЗША Arleigh Burke і Carney, якія на момант атакі знаходзіліся ва ўсходняй частцы Міжземнага мора. Як паведамляецца, для перахопу было выпушчана ад чатырох да сямі ракет.
Для адсочвання і навядзення SM-3 выкарыстоўваецца сістэма AEGIS (Aegis combat system), якая складаецца з трох элементаў і спалучае ў сабе магчымасці навядзення, выяўлення і кіравання агнём. Асновай з'яўляецца шматфункцыянальная трохкаардынатная РЛС SPY-1D. Акрамя гэтага, сістэма можа прымаць і апрацоўваць інфармацыю з датчыкаў іншых караблёў і лятальных апаратаў.
A U.S. Defense Official has stated that all 3 of the Iranian Medium-Range Ballistic Missiles attempting to Target an Airbase in Southern Israel that were Downed last night by the United States, were Intercepted by U.S. Navy Arleigh Burke-Class Guided-Missiles Destroyers in the… pic.twitter.com/zEBy10CUqM
Выявіўшы цэль, радар SPY-1 бесперапынна адсочвае яе, перадаючы даныя сістэме AEGIS, якая выпрацоўвае агнявое рашэнне і дае каманду на запуск ракеты. Супрацьракета запускаецца з ячэйкі з дапамогай цвёрдапаліўнага стартавага паскаральніка.
Адразу ж пасля выхаду ракета ўсталёўвае двухбаковы канал лічбавай сувязі з караблём-носьбітам і бесперапынна атрымлівае ад яго папраўкі па курсе. Бягучае становішча супрацьракеты вызначаецца з высокай дакладнасцю пры дапамозе сістэмы GPS. Дзякуючы трохступеннаму носьбіту SM-3 выводзіцца на вышыню да 250 км. Хуткасць жа збліжэння з цэллю дасягае звыш 10 км за секунду.
Як паведамляецца, караблі ВМС ЗША з ракетамі SM-3 размешчаныя ля берагоў Еўропы ў рамках Сістэмы супрацьпаветранай абароны НАТА. Яны забяспечваюць адзіны «больш высокі ўзровень» абароны кантынента ад усё большай пагрозы балістычных ракет у рамках так званага Еўрапейскага адаптыўнага падыходу да супрацьракетнай абароны. Таксама ракеты размешчаныя на сухапутнай базе ў Румыніі. У найбліжэйшай будучыні плануецца іх пастаўка ў Польшчу.
У загінулай у Сляпянцы дзяўчыне апазналі Яну Кастранкову2
Каментары
🎯 «Хуткасць жа збліжэння з цэллю дасягае звыш 10 км за секунду.»
🚀 То бок СМ-3 у 30 (!) разоў хутчэйшая за гук і ў 3 разы — за ракеты кшталту «Цырк... — нешта неразборліва, ага — Цыркон» альбо «Кінжал».
🧆 Вось калі запусьціць, думаю, у твар непрыяталю каклету са сталоўкі з хуткасьцю старой ракеты, то яна ўп'ецца ў яго як тварахоп з «Чужога». І калі тэй вы́хляе, што крыху сумнеўна, будзе хадзіць да скону з тварам як сама каклета. А з хуткасьцю СМ-3, то й галава долу!
🧹 Шпульнуць жа замест ежы (навошта сапсаваць яе?), як дзіду, ср. венік, то ён зь лёгкасьцю наскрозь працяе злосьніка нібы паперку.
🌜 Мта, прагрэс дайшоў да таго, што абганяе ўжо нашы мроі. Шкада толькі, што дайшоў, ці, дакладней, даляцеў ён у асноўным да ваенных мэтаў. Ды кіраўнікі краінаў нібы зь Месяцу зваліліся – з такімі тэхналёгіямі нават на Месяц ніяк ня хочуць нікога засьвістаць. Так загуляліся ўсе ў вайнушкі.