ZŠA ŭpieršyniu vykarystali «zbroju budučyni» pry adbićci ataki na Izrail. Voś što pra jaje viadoma
Paviedamleńnie pra pieršaje vykarystańnie ŭ bajavych umovach kiravanaj zienitnaj rakiety Standard Missile-3 (SM-3), jakaja raspracavanaja dla pierachopu balistyčnych rakiet, źjaviłasia na sajcie Vajenna-marskoha instytuta ZŠA.
Rakietami SM-3 abstalavanyja eśmincy VMS ZŠA Arleigh Burke i Carney, jakija na momant ataki znachodzilisia va ŭschodniaj častcy Mižziemnaha mora. Jak paviedamlajecca, dla pierachopu było vypuščana ad čatyroch da siami rakiet.
Dla adsočvańnia i naviadzieńnia SM-3 vykarystoŭvajecca sistema AEGIS (Aegis combat system), jakaja składajecca z troch elemientaŭ i spałučaje ŭ sabie mahčymaści naviadzieńnia, vyjaŭleńnia i kiravańnia ahniom. Asnovaj źjaŭlajecca šmatfunkcyjanalnaja trochkaardynatnaja RŁS SPY-1D. Akramia hetaha, sistema moža prymać i apracoŭvać infarmacyju z datčykaŭ inšych karabloŭ i latalnych aparataŭ.
A U.S. Defense Official has stated that all 3 of the Iranian Medium-Range Ballistic Missiles attempting to Target an Airbase in Southern Israel that were Downed last night by the United States, were Intercepted by U.S. Navy Arleigh Burke-Class Guided-Missiles Destroyers in the… pic.twitter.com/zEBy10CUqM
— OSINTdefender (@sentdefender) April 14, 2024
Vyjaviŭšy cel, radar SPY-1 bieśpierapynna adsočvaje jaje, pieradajučy danyja sistemie AEGIS, jakaja vypracoŭvaje ahniavoje rašeńnie i daje kamandu na zapusk rakiety. Supraćrakieta zapuskajecca ź jačejki z dapamohaj ćviordapaliŭnaha startavaha paskaralnika.
Adrazu ž paśla vychadu rakieta ŭstaloŭvaje dvuchbakovy kanał ličbavaj suviazi z karablom-nośbitam i bieśpierapynna atrymlivaje ad jaho papraŭki pa kursie. Biahučaje stanovišča supraćrakiety vyznačajecca z vysokaj dakładnaściu pry dapamozie sistemy GPS. Dziakujučy trochstupiennamu nośbitu SM-3 vyvodzicca na vyšyniu da 250 km. Chutkaść ža zbližeńnia z cellu dasiahaje zvyš 10 km za siekundu.
Jak paviedamlajecca, karabli VMS ZŠA z rakietami SM-3 raźmieščanyja la bierahoŭ Jeŭropy ŭ ramkach Sistemy supraćpavietranaj abarony NATA. Jany zabiaśpiečvajuć adziny «bolš vysoki ŭzrovień» abarony kantynienta ad usio bolšaj pahrozy balistyčnych rakiet u ramkach tak zvanaha Jeŭrapiejskaha adaptyŭnaha padychodu da supraćrakietnaj abarony. Taksama rakiety raźmieščanyja na suchaputnaj bazie ŭ Rumynii. U najbližejšaj budučyni płanujecca ich pastaŭka ŭ Polšču.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary
🎯 «Chutkaść ža zbližeńnia z cellu dasiahaje zvyš 10 km za siekundu.»
🚀 To bok SM-3 u 30 (!) razoŭ chutčejšaja za huk i ŭ 3 razy — za rakiety kštałtu «Cyrk... — niešta nierazborliva, aha — Cyrkon» albo «Kinžał».
🧆 Voś kali zapuścić, dumaju, u tvar niepryjatalu kakletu sa stałoŭki z chutkaściu staroj rakiety, to jana ŭpjecca ŭ jaho jak tvarachop z «Čužoha». I kali tej výchlaje, što krychu sumnieŭna, budzie chadzić da skonu z tvaram jak sama kakleta. A z chutkaściu SM-3, to j hałava dołu!
🧹 Špulnuć ža zamiest ježy (navošta sapsavać jaje?), jak dzidu, sr. vienik, to jon ź lohkaściu naskroź praciaje złośnika niby papierku.
🌜 Mta, prahres dajšoŭ da taho, što abhaniaje ŭžo našy mroi. Škada tolki, što dajšoŭ, ci, dakładniej, dalacieŭ jon u asnoŭnym da vajennych metaŭ. Dy kiraŭniki krainaŭ niby ź Miesiacu zvalilisia – z takimi technalohijami navat na Miesiac nijak nia chočuć nikoha zaśvistać. Tak zahulalisia ŭsie ŭ vajnuški.