Ministr abarony Brytanii nie vyklučaje pieradačy Kijevu łaziernaj zbroi
Novaja łaziernaja zbroja zdatnaja vysokadakładna i tanna źbivać varožyja drony.
Jak paviedamlaje The Telegraph, novaja łaziernaja zbroja, viadomaja jak DragonFire, moža być pastaŭlena Ukrainie.
Ab hetym 11 krasavika zajaviŭ ministr abarony Vialikabrytanii Hrant Šaps padčas naviedvańnia łabaratoryi DragonFire. Jon padkreśliŭ, što imkniecca da taho, kab paskoryć praces raźmiaščeńnia hetaj zbroi na karablach i na sušy.
Pa słovach Šapsa, Vialikabrytanija płanuje ŭklučyć DragonFire u svoj arsienał da 2027 hoda. U toj ža čas viaducca pracy nad tym, kab adpravić pratatypy hetaj zbroi va Ukrainu raniej, navat kali jany nie buduć dapracavany na 100 pracentaŭ.
«Ciapier u Jeŭropie adbyvajecca žyvy kanflikt, dla vyrašeńnia jakoha ŭ nas jość unikalnaja sučasnaja zbroja, jakaja moža akazacca kaštoŭnaj. Skažam tak, jana nie abaviazkova pavinna być na 100 pracentaŭ idealnaj, kab ukraincy, mahčyma, atrymali jaje», — cytuje słovy Šapsa vydańnie.
Jak my raniej pisali, dalokaść dziejańnia DragonFire zasakrečanaja, ale heta zbroja pramoj bačnaści i moža parazić lubuju bačnuju cel. Jaje dakładnaść ekvivalentnaja traplańniu ŭ manietu (23 mm) z adlehłaści kiłamietr.
Da taho ž vykarystańnie DragonFire vielmi tannaje — košt strełu składaje mienš za 10 funtaŭ sterlinhaŭ. Mienavita hetaja apošniaja admietnaść robić łaziernuju zbroju vielmi žadanaj praktyčna dla kožnaj armii śvietu.
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»16
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2727
Kamientary
nu voś tak... kamu vajna, a kamu mać radna... zona kanfliktu dla brytancaŭ usiaho tolki palihon, dzie jany ŭ realnych umovach (na ludziach, niby padvopytnych krolikach) praviarajuć svaju zbroju, kab udaskanalić jaje
Ciapier Ryša, jak i Bajdien bolš abiacaje, čym robić niešta karysnaje dla pieramohi Ŭkrainy.