Pa takija maniety stajać u čarzie nie prosta tak — praź niejki čas jany mohuć stać niadrennaj inviestycyjaj. Niadaŭna zaviaršyłasia niekalki cikavych aŭkcyjonaŭ pa prodažy pamiatnych maniet, na adnym ź ich košt łota vyras amal u 20 razoŭ, piša Onliner.by.
Heta miedna-nikielevaja manieta naminałam 1 rubiel «Vyjaŭlenčaje mastactva. Avanhard. UNOVIS». Jaje vypusk anansavali ŭ 2020 hodzie da 100-hodździa UNOVIS — avanhardnaha mastackaha abjadnańnia, stvoranaha Kazimiram Malevičam u Viciebsku ŭ 1920 hodzie. Adpusknaja cana ŭ Nacbanka była 18 rubloŭ, usie maniety raskupili.
Siarebranyja maniety z hetaj sieryi kaštavali 170 rubloŭ, ciapier u internecie košt dachodzić da 1250 rubloŭ (ale heta maksimum, niekatoryja pradaŭcy hatovyja addać i za 750 rubloŭ).
Jašče adna manieta, jakaja rezka vyrasła ŭ canie, — da 150-hodździa Vitolda Białynickaha-Biruli, vydatnaha biełaruskaha žyvapisca-piejzažysta. Na sajcie Nacbanka paznačany adpusknyja ceny 150 i 185 rubloŭ za siarebranuju manietu naminałam 20 rubloŭ (biez futarała i ŭ im), miedna-nikielevaja naminałam 1 rubiel kaštavała 22 rubli. Darečy, hetyja maniety charakternyja jašče i tym, što jany prastakutnyja.
Pavodle infarmacyi ad kalekcyjanieraŭ, hetyja maniety trapili ŭ prodaž litaralna niadaŭna, i za imi vystrojvałasia čarha la centralnaha aparata Nacbanka.
Ciapier jany taksama razychodziacca pa aŭkcyjonach. Miedna-nikielevuju manietu niadaŭna pradali za 135 rubloŭ, jašče jana handlujecca ŭžo pa 145 rubloŭ.
Siarebranuju na pieraprodažy my zaŭvažyli za 550 rubloŭ.
Što heta za maniety?
Pamiatnyja maniety vypuskajucca centralnymi bankami roznych krain da jakoj-niebudź padziei. Ceny na ich mohuć adroźnivacca ŭ razy i zaležać ad asablivaściaŭ maniet i nakładu vypusku.
U kožnaj pamiatnaj maniety jość naminał, pa im jaje pavinny prymać jak zvyčajnyja hrošy, ale našmat bolš vyhadna pradać jaje kalekcyjanieru.
Ciapier čytajuć
Dva sakrety, dziakujučy jakim adbyłasia karjera novaha pres-sakratara MZS Rusłana Varankova11
Dva sakrety, dziakujučy jakim adbyłasia karjera novaha pres-sakratara MZS Rusłana Varankova
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier66
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier6
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary