Nacbank vypuściŭ niezvyčajnuju manietu, stylizavanuju pad staradaŭniuju
Nacyjanalny bank u paniadziełak vypuściŭ u abaračeńnie pamiatnyja maniety «Lehienda ab Mieniesku» sieryi «Lehiendy haradoŭ Biełarusi».
Fota: nbrb.by
Maniety vypuščanyja dvuch vidaŭ:
- siarebranaja — naminałam 50 rubloŭ, masaj 67,20 h, probaj spłavu 925, dyjamietram 50,00 mm, tyražom 1 200 štuk;
- miedna-nikielevaja — naminałam 1 rubiel, masaj 50,00 h, dyjamietram 50,00 mm, tyražom 1 500 štuk.
Maniety majuć niestandartnuju formu (stylizavanuju pad staradaŭniuju manietu). Bakavaja pavierchnia maniet z nasiečkaj.
Na reviersie: u centry — stylizavanaja vyjava młynara, vadzianoha młyna i koła, jakoje pryvodziła ŭ ruch uvieś młyn. Uviersie pa kruzie nadpis — Lehienda ab Mieniesku.
Manieta adčakaniena ŭ Kazachstanie.
Paviedamlajecca, što jany źjaŭlajucca zakonnym płaciežnym srodkam u Biełarusi i abaviazkovyja da pryjomu pa naminalnym košcie pry ŭsich vidach płaciažoŭ biez usialakich abmiežavańniaŭ.
Ciapier čytajuć
Staŭ viadomy prysud eks-pamočniku Łukašenki Iharu Bryło4
Kamientary
žarty-žartami, ale.. kali b mianie spytali, što liču simvałam Mienska? adkazała b - lehiendarnaha młynara Mienieska - typu ŭsio pieramielecca -budzie mukoj.. ci mukaj