Чарга з легкавушак на выезд з Літвы ў Беларусь расцягнулася на тры кіламетры
Чарга з легкавых аўтамабіляў на выезд з Літвы ў Беларусь расцягнулася на тры кіламетры. Такая сітуацыя склалася ў пункце пропуску «Меднікі». Цікава, што прыкладна 40% гэтых машын на транзітных нумарах, паведамляе лагістычны партал Infotrans Media Belarus.
Многія перагоншчыкі спрабуюць правезці аўто праз літоўскую мяжу, хаця дакументы ў іх аформлены для пераходу мяжы Польшчы. Такіх вадзіцеляў літоўскія пагранічнікі разварочваюць.
Польшча забараніла вываз у Беларусь транзітных аўтамабіляў коштам больш за 50 тысяч еўра і з абʼёмам рухавіка больш за 1,9 літра. Паведамлялася, што аналагічную забарону ўвяла і Літва.
Па даных Дзяржпрагранкамітэта, складаная сітуацыя на выезд з Беларусі ў бок Еўразвяза захоўваецца. Так, у пункце пропуску ў Брэсце на выезд у Польшчу ў чарзе стаяць 100 легкавых аўто і 45 аўтобусаў.
У пункце пропуску «Каменны лог» на мяжы з Літвой афармлення чакаюць 790 грузавікоў і 40 легкавых аўто, у «Беняконях» — 700 грузавікоў і 30 легкавых. Выезду ў Латвію чакаюць 815 фур, легкавыя аўтамабілі праходзяць мяжу хутчэй.
Цяпер чытаюць
Дэлегатка КР Карпушонак пасля маўчання апублікавала відэа14
Дэлегатка КР Карпушонак пасля маўчання апублікавала відэа
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7878
Каментары