Новая прэм'ер Літвы выступае за чатырохдзённы працоўны тыдзень

Яна падкрэслівае, што на працоўных месцах становіцца больш тэхналогій і дыстанцыйнай працы, што дазваляе гнутка спалучаць працу і адпачынак. Паводле яе слоў, больш кароткі тыдзень павысіў бы прадуктыўнасць.

— «Чатырохдзённы тыдзень — гэта пра якасна адпачыўшага работніка і яго больш прадуктыўную працу за менш часу пры тым заробку. Я дакладна не адмаўляюся ад гэтай ідэі і абмяркоўваю яе з сацыяльнымі партнёрамі. Маё найвялікшае жаданне — каб сацыяльныя партнёры дамовіліся», — сцвярджае І. Ругінене.

Прэзідэнт Канфедэрацыі бізнесу Андрус Раманаўскіс называе гэтую ідэю палітычным футурызмам, а іншыя прадстаўнікі бізнэсу кажуць, што кампаніі не гатовы да скарочанага тыдня — такія змены патрабуюць вялікіх інвестыцый.

Але ў энергетычнай кампаніі «Gijos» 80 % супрацоўнікаў працуюць не пяць, а чатыры дні ў тыдзень. Такая мадэль ужываецца ўжо некалькі гадоў. Паводле прадстаўніцы кампаніі, пры скарачэнні колькасці працоўных дзён павысілася эфектыўнасць працы, а ў супрацоўнікаў зʼявілася больш вольнага часу для сямʼі, хобі і вучобы. 

— «Мы ўсе працуем поўны рабочы дзень, то бок 40 гадзін у тыдзень, але пятніца ў нас дзяжурны дзень. Мы павінны забяспечыць бесперапынную работу і аказанне паслуг, таму па пятніцах супрацоўнікі самі выбіраюць, у якім рытме працаваць і дзе знаходзіцца», — расказвае кіраўнік каманды па працы з людзьмі і карпаратыўнай культуры Рута Балейшэне. 

Тым не менш, частка работнікаў не можа скарыстацца кароткім тыднем. Пятая частка супрацоўнікаў кампаніі павінна забяспечваць бесперапыннае забеспячэнне кліентаў цяплом і гарачай вадой.

— «Там, дзе патрэбны рэжым працы 24/7, людзі так і працуюць. Мы імкнёмся кампенсаваць гэта іншымі матывацыйнымі сродкамі, паколькі яны не могуць скарыстацца мадэллю чатырохдзённага тыдня», — тлумачыць Рута Балейшэне.

Эканаміст Канфедэрацыі прамыслоўцаў заявіў, што пакуль увесці такую мадэль у Літве немагчыма: бізнэсу патрэбны вялікія інвестыцыі, а грошай няма.

Болей за сто гадоў таму былі гарачыя дыску̇сіі пра неабходнасць васьмігадзіннага працоўнага дня. Тады гучалі тыя ж аргументы, маляваліся катастрафічныя сцэнары, але зараз усе так працуюць, і нам гэта здаецца нормам, — адказвае І. Ругінене.

— «Тое ж самае і з гэтай мадэллю», — падкрэслівае прэм’ер-міністр.

У адпаведнасці з дзейнай мадэллю чатырохдзённага тыдня ў Літве, з 2023 года ў шэрагу дзяржаўных устаноў так могуць працаваць бацькі, якія выхоўваюць дзяцей да трох гадоў.

• 1
• 0
• 0
• 0
• 0
• 0
• 0
• 0