Čarha ź lehkavušak na vyjezd ź Litvy ŭ Biełaruś raściahnułasia na try kiłamietry
Čarha ź lehkavych aŭtamabilaŭ na vyjezd ź Litvy ŭ Biełaruś raściahnułasia na try kiłamietry. Takaja situacyja skłałasia ŭ punkcie propusku «Miedniki». Cikava, što prykładna 40% hetych mašyn na tranzitnych numarach, paviedamlaje łahistyčny partał Infotrans Media Belarus.
Mnohija pierahonščyki sprabujuć pravieźci aŭto praź litoŭskuju miažu, chacia dakumienty ŭ ich aformleny dla pierachodu miažy Polščy. Takich vadzicielaŭ litoŭskija pahraničniki razvaročvajuć.
Polšča zabaraniła vyvaz u Biełaruś tranzitnych aŭtamabilaŭ koštam bolš za 50 tysiač jeŭra i z abjomam ruchavika bolš za 1,9 litra. Paviedamlałasia, što anałahičnuju zabaronu ŭviała i Litva.
Pa danych Dziaržprahrankamiteta, składanaja situacyja na vyjezd ź Biełarusi ŭ bok Jeŭraźviaza zachoŭvajecca. Tak, u punkcie propusku ŭ Breście na vyjezd u Polšču ŭ čarzie stajać 100 lehkavych aŭto i 45 aŭtobusaŭ.
U punkcie propusku «Kamienny łoh» na miažy ź Litvoj afarmleńnia čakajuć 790 hruzavikoŭ i 40 lehkavych aŭto, u «Bieniakoniach» — 700 hruzavikoŭ i 30 lehkavych. Vyjezdu ŭ Łatviju čakajuć 815 fur, lehkavyja aŭtamabili prachodziać miažu chutčej.
Ciapier čytajuć
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra4
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
Kamientary