Ad dźviuch hadzin da sutak. Jak doŭha ciapier stajać u čerhach na miažy?
Pahladzieli, što adbyvajecca na miežach Biełarusi i ES pierad vychadnymi.
Łatvija
Najmienš zahružanym tradycyjna źjaŭlajecca łatvijski kirunak. U adzinym dziejnym punkcie propusku na biełaruska-łatvijskaj miažy «Hryharoŭščyna — Paternijeki» čerhaŭ ź lehkavikoŭ pa stanie na 16 hadzin piatnicy niama.
Abumoŭlena heta nie tolki tym, što sama Łatvija kudy mienš cikavić biełarusaŭ, čym Polšča i Litva. Reč u tym, što z poŭnym bakam paliva ŭ hetuju krainu možna ŭjazdžać tolki raz na 30 dzion.
Litva
U «Bieniakoniach» vyjezdu ź Biełarusi čakajuć bolš za 90 lehkavikoŭ. U «Kamienym Łozie» — bolš za 60.
Ludzi, jakija dniom u piatnicu trapili ŭ Litvu praz «Kamienny Łoh», kažuć, što na prachod miažy na aŭto ŭ ich syšło 19 hadzin.
U «Bieniakoniach» situacyja padobnaja. Ludzi, jakija časta jeździać praź miažu, kažuć, što apošnim časam na prajezd sychodzić ad 12 hadzin da sutak u adzin bok.
Padarožniki ź dziećmi va ŭzroście da 3 hadoŭ pišuć, što abiedźvie miažy možna prajechać za 30 chvilin pa «zialonym kanale» i za 1,5-2 hadziny, kali pa «čyrvonym».
Z aŭtobusami praściej. Šlach ź Minska da Vilni zajmaje kala 6 hadzin. Ad 2 da 4 hadzin zajmaje prachodžańnie miažy aŭtobusami ŭ PP «Bieniakoni».
Polšča
Najbolš zahružanym zastajecca adziny dziejny pasažyrski pierachod na miažy z Polščaj «Brest — Tarespal».
Pierad im utvaryłasia čarha z bolš čym 250 mašyn, jakija čakajuć na vyjezd ź Biełarusi. Apošnim časam ličycca normaj pravieści ŭ čarzie kala sutak, kab trapić u Polšču. I tak u kožny bok.
U adroźnieńni ad Litvy, pajezdka na aŭtobusie nie vyratoŭvaje ad stajańnia ŭ čarzie. Na prajezd praź miažu aŭtobusam sychodzić ad 20 da 42 hadzin.
Biełaruski bok u hetaj situacyi vinavacić svaich polskich kaleh. Pavodle infarmacyi ad Pahrankamiteta Biełarusi, 12 krasavika z 08:00 da 14:00 na polskuju terytoryju prajšło ŭsiaho 4 aŭtobusy z 42 mahčymych.
Hruzavy ruch
Na hruzavym kirunku situacyja zastajecca stabilna napružanaj. Ahułam, pa stanie na 16 hadzin piatnicy vyjezdu ź Biełarusi čakajuć bolš za 2400 vialikahruzaŭ.
Ź ich 830 na miažy z Łatvijaj i amal 1600 na miažy ź Litvoj, pa 800 i 760 u kožnym z punktaŭ propusku. Na prajezd fury praz hetyja punkty propusku sychodzić ad 10 da 15 sutak.
A voś na adzinym dziejnym hruzavym punkcie propusku z Polščaj vyjezdu ź Biełarusi čakajuć usiaho tolki bolš za 10 hruzavikoŭ.
500 jeŭra za prajezd biez čarhi. Na polskaj miažy kvitnieje biznes pa abjeździe «kalejki»
Žychar Bresta paŭtara hoda pradavaŭ miescy ŭ čarzie na miažy. Pakul miesca nie kupili padatkovyja inśpiektary
Hrodzienski pieravozčyk prydumaŭ hienijalny chod, jak chutka pierasiekčy miažu aŭtobusu. I zekanomiŭ sutki
Kamientary