U paŭdniovaj Bavaryi ŭ siaredniaj škole padčas napadu byli paranienyja niekalki čałaviek. Palicyja paviedamiła, što padazravany zatrymany.
Pavodle źviestak niamieckich pravaachoŭnikaŭ, zatrymany padazravany — 16‑hadovy padletak. Jon hramadzianin Charvatyi, jaki žyvie ŭ Hiermanii z baćkami. Raniej chłopiec prachodziŭ psichałahičnaje lačeńnie. Ciapier palicyja vyśviatlaje dakładnuju kolkaść paciarpiełych i ciažkaść ich traŭmaŭ.
Žycharoŭ zaklikali nie nabližacca da rajona vakoł himnazii Vielfien u horadzie Šanhau, dzie adbyŭsia incydent. Na miescy zdareńnia pracavała vialikaja kolkaść palicejskich.
Šanhau — nievialiki haradok na bierazie raki Lech u zachodniaj častcy Vierchniaj Bavaryi z nasielnictvam bolš za 12 000 čałaviek.
Choć ciažkija vypadki hvałtu ŭ škołach Hiermanii zdarajucca redka, padobnyja incydenty ŭžo adbyvalisia. U minułym hodzie ŭ horadzie Esen 17‑hadovy junak ciažka paraniŭ 45‑hadovaha nastaŭnika ŭ prafiesijnaj škole, paśla čaho palicyja paraniła jaho padčas zatrymańnia. U 2002 hodzie ŭ škole horada Erfurt 19‑hadovy ŭzbrojeny napadnik zabiŭ 16 čałaviek, u tym liku 12 nastaŭnikaŭ i dvuch vučniaŭ.
Ciapier čytajuć
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru11
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru1
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?11
Kamientary