Žycharka Kalinkavičaŭ zajaviła, što paśla darožnych rabot jaje aŭtamabil apynuŭsia całkam pakryty darožnaj kroškaj. U DAI joj paviedamili, što pytańnie nie adnosicca da ich kampietencyi, piša BGmedia.
Žančyna raspaviała ŭ sacyjalnych sietkach pra niepryjemnuju situacyju, jakaja adbyłasia padčas układki asfaltu kala žyłoha doma. Pavodle jaje słoŭ, paśla pracy darožnaj techniki mašyna była całkam zaśmiečanaja.
«Dziakuj darožnym słužbam za biaspłatny ciuninh! Mašyna całkam u darožnaj drobcy!» — napisała jana.
Aŭtaŭładalnica adrazu źviarnułasia ŭ DAI i milicyju, raźličvajučy atrymać dapamohu i ŭstanavić vinavatych. Inśpiektary paćvierdzili, što aŭtamabil byŭ pryparkavany biez parušeńniaŭ, adnak patłumačyli, što padobnaja sprečka znachodzicca pa-za ich kampietencyjaj, pakolki na mašynie adsutničajuć umiaciny i drapiny. U vyniku joj rekamiendavali damahacca pakryćcia škody praz sud.
Žančyna aburanaja tym, što ŭsia adkaznaść faktyčna pierakładajecca na paciarpiełaha: «Atrymlivajecca, što čałaviek, čyja majomaść paciarpieła, pavinien samastojna marnavać čas, siły i hrošy, kab dabicca spraviadlivaści».
Jana taksama śćviardžaje, što zamiest sproby ŭrehulavać situacyju pradstaŭniki darožnych słužbaŭ stali kazać, nibyta aŭtamabil znachodziŭsia na zialonaj zonie. Pry hetym, jak zapeŭnivaje žančyna, mašyna stajała na prydamavoj terytoryi.
«Niaŭžo tak i pavinna być? Dzie adkaznaść i zvyčajnyja čałaviečyja adnosiny da ludziej?» — zadajecca pytańniem aŭtaŭładalnica.
Ździełka Trampa z Pucinym: čym za jaje mohuć zapłacić Ukraina i Biełaruś19
Ździełka Trampa z Pucinym: čym za jaje mohuć zapłacić Ukraina i Biełaruś
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary