U Aršanskim rajonie mužčyna łaviŭ u Dniapry rybu i trapiŭ pad kryminałku
U Aršanskim rajonie zaviali kryminalnuju spravu ŭ dačynieńni da 63‑hadovaha miascovaha žychara, jakoha padazrajuć u niezakonnym vyłavie ryby, zaniesienaj u Čyrvonuju knihu Biełarusi.
Pavodle infarmacyi Śledčaha kamiteta, 5 červienia mužčyna rybačyŭ na bierazie Dniapra dźviuma vudami ŭ pieryjad, kali ŭ Viciebskaj vobłaści dziejničała zabarona na łoŭlu ryby. Padčas rejdu supracoŭniki inśpiekcyi achovy žyviolnaha i raślinnaha śvietu znajšli ŭ travie miašok ź jahonym ułovam i vyklikali śledča-apieratyŭnuju hrupu.
U mužčyny kanfiskavali dźvie vudy i złoŭlenuju rybu. Pavodle vynikaŭ ichtyjałahičnaj ekśpiertyzy, heta byŭ zvyčajny vusač — vid, zaniesieny ŭ Čyrvonuju knihu Biełarusi.
Śpiecyjalisty acanili škodu, naniesienuju navakolnamu asiarodździu, bolš jak u 6,4 tysiačy rubloŭ.
U dačynieńni da mužčyny zaviali kryminalnuju spravu za niezakonnuju zdabyču ryby. Rasśledavańnie praciahvajecca.
Padčas siezonnaj zabarony łovu dazvalajecca tolki amatarskaja rybałka adnoj vudaj z adnym kručkom abo adnym śpininham z adnoj štučnaj prynadaj i tolki ŭdzień, ź bieraha abo štučnaha zbudavańnia, biez zachodu ŭ vadu. Łoŭla ž ryby, zaniesienaj u Čyrvonuju knihu, uvohule zabaroniena, a pry vykarystańni zabaronienych sposabaŭ abo pryład škoda navakolnamu asiarodździu vyličvajecca ŭ trajnym pamiery.
Ciapier čytajuć
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie1
Kamientary