Філіп дэ Голь быў адміралам у адстаўцы і былым сенатарам.
Адмірал Філіп дэ Голь, старэйшы сын гістарычнага лідара Францыі генерала Шарля дэ Голя, памёр на 103-м годзе жыцця, паведаміла агенцтва Agence France-Presse.
Філіп дэ Голь нарадзіўся ў Парыжы 28 снежня 1921 года. Шарль дэ Голь казаў, што Філіп быў названы ў гонар продка яго сям'і Жан-Батыста дэ Голя, але сцвярджалася, што яго назвалі ў гонар генерала Філіпа Петэна, героя Першай сусветнай, вялікім прыхільнікам якога быў яго бацька, і які ўзначаліў калабаранцкі ўрад падчас Другой Сусветнай і за што быў асуджаны на 10 гадоў пасля 1945 года.
Ён атрымаў адукацыю ў каледжы Станіслава дэ Пары, дзе таксама вучыўся яго бацька, і пасля паступіў на службу ў Вайскова-марскі флот Францыі.
Падчас Другой сусветнай вайны Філіп дэ Голь удзельнічаў у кампаніі ў Ла-Маншы і ў бітве за Атлантыку, удзельнічаў у бітве за Францыю ў якасці камандзіра ўзвода палка фузілераў-марпехаў.
25 жніўня 1944 года ён удзельнічаў у вызваленні Парыжа і быў пасланы са станцыі Манпарнас перадаць загад аб капітуляцыі немцаў, якія заселі ў Бурбонскім палацы, у памяшканне Нацыянальнага сходу. Рызыкуючы быць застрэленым, калі нешта пойдзе не так, ён вёў перамовы ў адзіночку і без зброі. Ён ваяваў у Вагезах зімой 1944-1945 гадоў.
Пасля вайны заняўся вайсковай кар'ерай, у 1971 годзе даслужыўся да контр-адмірала, а потым віцэ-адмірала.
З 1986 па 2004 год Філіп дэ Голь займаў пасаду сенатара Францыі ад Парыжа.
Цяпер чытаюць
26‑гадовага супрацоўніка элітнага падраздзялення мытні асудзілі на 16 гадоў па наборы палітартыкулаў. Сярод іх і «здрада дзяржаве»4
Каментары