Падчас сваёй паездкі ў Вену Святлана Ціханоўская сустрэлася з міністрам замежных справаў Аўстрыі Аляксандрам Шаленбергам. Сярод іншых пытанняў яна закранула праблему легалізацыі беларусаў у гэтай краіне.
Паводле паведамлення Офіса Святланы Ціханоўскай, Аляксандр Шаленберг заявіў, што Аўстрыя неўзабаве будзе прызнаваць пратэрмінаваныя беларускія пашпарты як сапраўдныя.
Таксама бакі дамовіліся аб распрацоўцы інструкцыі па легалізацыі для беларусаў Аўстрыі. Аднак застаецца праблема з аўстрыйскім пашпартам іншаземца: для таго, каб атрымаць такі дакумент, па аўстрыйскім заканадаўстве неабходна адмаўляцца ад беларускага грамадзянства.
Таксама падчас сустрэчы Ціханоўская паведаміла аўстрыйскаму прэм'еру пра сітуацыю з беларускімі палітвязнямі і расказала яму пра тых, з кім ужо вельмі доўга няма сувязі.
Акрамя таго, Святлана Ціханоўская заклікала Шаленберга прызначыць спецыяльнага пасланніка па Беларусі, які будзе працаваць з дэмакратычнымі сіламі.
Цяпер чытаюць
20-гадовая дзяўчына з Брэста запісала жартаўлівы тыкток пра смерць у ДТЗ — і ў той жа вечар разбілася9
Каментары