У Брэсце палітвязню прысудзілі два гады калоніі. Суд праходзіў проста ў СІЗА
14 лютага Маскоўскі суд Брэста разгледзеў крымінальную справу супраць 40-гадовага Канстанціна Саламіюка. Суддзя — Марына Скалковіч.
Саламіюка судзілі па ч.1 арт.368 КК РБ за публічную абразу Лукашэнкі, суд праходзіў у СІЗА, піша «Брэсцкая вясна».
Да суду мужчыну выставілі яшчэ і арт.369 КК (абраза прадстаўнікоў улады), але з-за тэрмінаў даўніны гэты артыкул знялі. У выніку мужчыну судзілі за некалькі інтэрнет-каментароў, у якіх негатыўна ацэньваўся Лукашэнка.
Саламіюку прысудзілі два гады пазбаўлення волі.
Каментары