Збіраюць грошы на дапамогу ўдаве і дзецям беларуса, які загінуў ва Украіне
Ва Украіне 7 кастрычніка загінуў беларускі добраахвотнік з пазыўным «Бахус». Для дапамогі ягонай асірацелай сям'і на платформе «Байсол» абвешчаны збор.
Бахус удзельнічаў у беларускіх пратэстах 2020 года, але быў вымушаны пакінуць краіну, каб пазбегнуць крымінальнага пераследу. Пасля гэтага ён уладкаваўся дальнабойнікам у Польшчы.
Калі пачалася поўнамаштабная вайна ва Украіне, Бахус не змог застацца ў баку і далучыўся да добраахвотніцкага руху, каб удзельнічаць у набліжэнні перамогі. Ён прайшоў праз мноства баёў і добра праявіў сябе на фронце.
7 кастрычніка мінулага года Бахус загінуў пад Бахмутам. Ён пахаваны ў Кіеве на Алеі Славы, створанай адмыслова для ваяроў, якія аддалі жыццё за незалежнасць Украіны.
Сям'я Бахуса знаходзіцца ў Беларусі, але збіраецца пераязджаць у Еўропу. Ягоная жонка — грамадзянская актывістка, была звольненая з працы за актыўную пазіцыю. Таксама ў Бахуса засталося трое дзяцей, якіх трэба забяспечыць усім неабходным, даць ім адукацыю і бяспеку.
Сродкі патрэбныя на пераезд, моўную падтрымку, прафесійнае навучанне, адзенне, ежу і на аплату жылля на першы час.
Сума збору: 7000 еўра.
Падтрымаць збор сваім унёскам можна па спасылцы.
У Швейцарыі памёр беларус з палка «Пагоня». Меркавана, яго збілі афрыканскія мігранты
«Дапамагалі хлопцу, які быў у палоне ў Беларусі». Гісторыя беларуса, які ставіць пратэзы ўкраінскім вайскоўцам
«Наогул, я даволі ўдачлівы». Беларускі ваяр падарваўся на міне і трапіў пад БМП, але збіраецца вярнуцца на вайну
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары