Багдан Шэршун гуляў ва ўкраінскіх і расійскіх клубах.
Былы паўабаронца ЦСКА Ралан Гусеў паведаміў, што экс-абаронца «чырвона-сініх» Багдан Шэршун незадоўга да смерці лячыўся ад пухліны мозгу. 8 студзеня 42-гадовы ўкраінец памёр, піша «Прессбол».
«У мяне няма слоў. Багдан — мой блізкі чалавек, сябар, з якім мы заўсёды глядзелі ў вочы адзін аднаму. Я аплакваю яго гэтак жа, як і ўсе родныя. У Багдана была пухліна мозгу, ён знаходзіўся ў Бельгіі. Ён змагаўся, лячыўся. 42 гады, прыгажун, блакітныя вочы… сышоў — і ўсё», — сказаў Гусеў.
Багдан Шэршун выступаў за ўкраінскія «Дняпро», кіеўскі «Арсенал», «Крыўбас» і «Валынь». За ЦСКА гуляў са студзеня 2002 года па ліпень 2005 года. Разам з армейцамі двойчы выйграў чэмпіянат Расіі і адзін раз станавіўся ўладальнікам Суперкубка краіны, а таксама заваяваў Кубак УЕФА.
Каментары