Свет11

Расійскія хакеры знаходзіліся ў сістэме аднаго з найбуйнейшых мабільных аператараў Украіны з мая 2023 года

Узлом прывёў да катастрафічных праблем і быў накіраваны на нанясенне псіхалагічнага ўдару і збор разведвальнай інфармацыі.

Начальнік упраўлення кібербяспекі Службы бяспекі Украіны Ілля Віцюк заявіў Reuters, што расійскія хакеры знаходзіліся ў сістэме мабільнага аператара «Кіеўстар» прынамсі з мая 2023 года. У снежні на «Кіеўстар» была ажыццёўлена магутная кібератака, у выніку якой дзясяткам мільёнаў украінцаў былі недаступныя мабільная сувязь і інтэрнэт, піша «Коммерсант».

«На гэты момант мы можам з упэўненасцю сказаць, што яны знаходзіліся ў сістэме як мінімум з мая 2023 года. Я не магу цяпер сказаць, з якога часу ў іх быў… поўны доступ. Імаверна, як мінімум з лістапада», — сказаў спадар Віцюк.

Па словах начальніка ўпраўлення кібербяспекі, узлом прывёў да катастрафічных праблем і быў накіраваны на нанясенне псіхалагічнага ўдару і збор разведвальнай інфармацыі. 

Супрацоўнік спецслужбы адзначыў, што расійскія хакеры знішчылі практычна ўсё, у тым ліку тысячы віртуальных сервераў і камп'ютараў. Паводле яго слоў, снежаньская атака на «Кіеўстар», імаверна, з'яўляецца першым прыкладам кібератакі, якая цалкам знішчыла ядро мабільнага аператара.

Спадар Віцюк сцвярджае, што хакеры спрабавалі трапіць у сістэму «Кіеўстара» яшчэ ў сакавіку. Ён заявіў, што ў лістападзе ў іх з'явіўся доступ да асабістай інфармацыі, месца знаходжання тэлефонаў карыстальнікаў аператара. З лістапада хакеры маглі перахопліваць СМС-паведамленні і, магчыма, красці Telegram-акаўнты, паведаміў супрацоўнік СБУ.

Прадстаўнік «Кіеўстара» заявіў агенцтву, што фактаў уцечкі персанальных даных кліентаў не выяўлена. СБУ дапамагла аператару за некалькі дзён аднавіць сістэмы і адбіць новыя кібератакі.

Начальнік упраўлення кібербяспекі падкрэсліў, што кібератака на «Кіеўстар» не аказала вялікага ўплыву на ўкраінскую армію, таму што ў ёй выкарыстоўваюцца іншыя алгарытмы і пратаколы.

Спадар Віцюк заявіў Reuters, што амаль упэўнены ў тым, што за кібератакай стаіць звязаная з Расіяй хакерская група Sandworm. Пры гэтым адказнасць за атаку ўзялі на сябе прадстаўнікі хакерскай групоўкі «Сонцапёк».

Спадар Віцюк сцвярджае, што год таму ў сістэму ўкраінскага мабільнага аператара — кампанію ён назваць адмовіўся — ужо пранікала Sandworm, але СБУ ўдалося вылічыць хакераў. Узоры шкоднага ПА, якое выкарыстоўвалася для атакі на «Кіеўстар», цяпер вывучае ўкраінская спецслужба.

12 снежня 2023 года адбыўся найбуйнейшы з лютага 2022-га збой у працы інфармацыйнай інфраструктуры Украіны, дзясяткам мільёнаў украінцаў былі недаступныя мабільная сувязь і інтэрнэт. Украінскія спецслужбы абвінавацілі Расію ў ажыццяўленні магутнай кібератакі на «Кіеўстар». Непаладкі закранулі працу банкаўскай сферы і шэрагу іншых крытычна важных галін. «Кіеўстар» заявіў, што хакеры ўзламалі сістэму абароны праз уліковы запіс супрацоўніка.

Каментары1

  • Брайб
    04.01.2024
    Просто дали взятку и получили доступ

Цяпер чытаюць

Банкаўскія інсайдары лічаць новыя санкцыі супраць чатырох беларускіх банкаў малазначнымі. І вось чаму9

Банкаўскія інсайдары лічаць новыя санкцыі супраць чатырох беларускіх банкаў малазначнымі. І вось чаму

Усе навіны →
Усе навіны

Каверын не будзе выказвацца пра сітуацыю Стрыжака. Каб не выкраслілі з прафесіі і яго27

У мінскім метро з’явілася новая схема ліній, многім пасажырам не падабаецца дызайн3

Былы гендырэктар Tut.by Аляксандр Чэкан — пра партал, Зісера, стартапы і прагноз па развіцці тэхналогій7

Ціханоўская пра справу Стрыжака: Тое, што зрабіў кіраўнік — не падстава разбураць фундамент10

У царкве-шэдэўры, што згарэла пад Жабінкай, да 2020 года служыў святар-палітвязень Разановіч1

Царква ў Сцяпанках згарэла цалкам ВІДЭА

У Польшчы скасоўваюць тэрміны разгляду заяў на міжнародную абарону1

Згарэў шэдэўр народнай архітэктуры Палесся — царква ў Сцяпанках. Яна засталася на фотах «Нашай Нівы»

Германія прыпыніла выдачу гуманітарных віз. Іх атрымлівалі і беларусы6

больш чытаных навін
больш лайканых навін

Банкаўскія інсайдары лічаць новыя санкцыі супраць чатырох беларускіх банкаў малазначнымі. І вось чаму9

Банкаўскія інсайдары лічаць новыя санкцыі супраць чатырох беларускіх банкаў малазначнымі. І вось чаму

Галоўнае
Усе навіны →

Заўвага:

 

 

 

 

Закрыць Паведаміць