Баевікі ХАМАС вызвалілі 13 ізраільскіх закладнікаў і 12 рабочых з Тайланда, Ізраіль вызваліў 39 палесцінскіх зняволеных.
Першая група закладнікаў была перададзена супрацоўнікам Чырвонага Крыжа і перасекла КПП Рафах на мяжы сектара Газа і Егіпта.
Акрамя ізраільскіх закладнікаў, баевікі ХАМАС адпусцілі 12 узятых у палон рабочых з Тайланда.
Затым 39 палесцінскіх зняволеных былі вызваленыя з ізраільскіх турмаў, піша Бі-бі-сі.
Група з 24 жанчын і 15 падлеткаў была вызвалена праз кантрольна-прапускны пункт Бейтунія на Заходнім беразе. Затым ім будзе дазволена вярнуцца дадому. Затрыманыя былі абраныя са спісу з 300 жанчын і непаўналетніх, складзенага Ізраілем.
Вызваленне грамадзян Тайланда не з'яўляецца часткай угоды паміж Ізраілем і ХАМАС, заключанай пры пасярэдніцтве Катара.
22 лістапада ўлады Ізраіля і прадстаўнікі ХАМАС дамовіліся часова спыніць агонь і абмяняць 50 закладнікаў на 150 палесцінскіх зняволеных.
Угода, складзеная пры пасярэдніцтве Катара, прадугледжвае чатырохдзённую паўзу ў баявых дзеяннях.
Цяпер чытаюць
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары