Украіна мае права ліквідаваць Пуціна пры першай жа магчымасці — Зяленскі
Расія не пакідае намераў любым спосабам знішчыць украінскага прэзідэнта, і Украіна ў сваю чаргу таксама мае права ліквідаваць Пуціна, заявіў Уладзімір Зяленскі ў інтэрвʼю The Sun.
На пытанне, ці скарыстаецца Украіна шанцам забіць прэзідэнта Расіі Уладзіміра Пуціна, калі прадставіцца такая магчымасць, Зяленскі сказаў: «Гэта вайна — і Украіна мае ўсе правы абараняць сваю зямлю».
Але ён адмовіўся адказваць на пытанне аб замахах на прарасійскіх калабарантаў і так званую «ўладу» на часова акупаваных тэрыторыях, адзначыўшы, што «не можа абмяркоўваць ніякіх спецаперацый украінскай разведкі ці сакрэтнай службы».
«Ёсць некаторыя моманты, якія мы не абмяркоўваем. Не толькі [дыверсіі] унутры Расіі. Ёсць падзеі, якія мы не абмяркоўваем на нашых часова акупаваных тэрыторыях».
Гаворачы аб арганізаваных Расіяй замахах на яго, Зяленскі сказаў, што такіх ад пачатку поўнамаштабнага ўварвання было не менш за 5-6.
«[Пасля гэтага ўсяго я адчуваю сябе] нармальна. [Запомніўся] першы раз. Гэта было найбольш цікава, калі гэта было ўпершыню. А далей гэта як кавід — спачатку людзі не ведаюць, што з гэтым рабіць, і гэта выглядае вельмі страшна, а потым проста разведка кажа табе дэталі, што была яшчэ адна група, якая прыбыла ва Украіну і спрабавала гэта зрабіць.[Колькі ўсяго замахаў было] я не ведаю. Сапраўды не ведаю. Я думаю, не менш за 5-6», − сказаў Зяленскі.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары
Славите украинских солдат? Нет, со своей точки зрения они молодцы, отбиваются от сильного противника и защищают свою землю. Но наивно думать, что враг вашего врага ваш друг.) О, нет. Полесье подтвердит!) А вы действительно не видите концептуальной разницы м/ду нашим "ня быць скотам!" (не хуже других) и их "превыше всего"? Как и у россиян, кстати)