Самалёт авіякампаніі «Белавія» даставіў з егіпецкага Каіра ў Беларусь 41 чалавека (з іх 22 дзіцяці), эвакуяваных з сектара Газа на егіпецкую тэрыторыю праз памежны пераход «Рафах».
За грамадзянамі краіны і іх семяйнікамі самалёт «Белавія» паляцеў з Мінска сёння раніцай. У складзе гуманітарнага рэйса сярод іншых былі двое медыкаў і двое псіхолагаў, якія аказалі дапамогу пасажырам.
Паводле словаў генеральнага дырэктара «Белавія» Ігара Чаргінца, «Белавія» пры патрэбе можа выканаць для эвакуацыі беларускіх грамадзян яшчэ не адзін рэйс, усе тэхнічныя магчымасці для гэтага ёсць.
Паведамляецца, што эвакуацыяй беларусаў з зоны баявых дзеянняў па даручэнні Лукашэнкі займаліся супрацоўнікі КДБ, а выхад грамадзян Беларусі на егіпецкую тэрыторыю арганізавалі беларускія дыпламаты.
Цяпер чытаюць
Па ўласніку «Софтклуба» Сіротку, які сядзіць у СІЗА КДБ, прыляцела і ад Польшчы — на яго крыптабіржу Bynex наклалі санкцыі2
Каментары