Ва Украіне вылічылі бізнэсмена, які праз Беларусь пастаўляў у акупаваны Крым тавары для расійскай арміі
Пракуратура Закарпацкай вобласці Украіны 24 кастрычніка заявіла, што адзін з мясцовых бізнэсменаў падазраецца ў калабарацыянізме і забеспячэнні расійскага войска ў акупаваным Крыме. Расследаванне па справе вядзе Служба бяспекі Украіны.
Па інфармацыі СБУ, бізнэсмен валодае фірмай па міжнародных перавозках у адной з краін Еўрасаюза і выкарыстоўвае яе для паставак у акупаваны Крым праз Беларусь кампанентаў для вырабу зброі.
«Падазраваны, мясцовы жыхар Закарпацця, праз сваю аўтатранспартную кампанію ў ЕС наладзіў схему паставак тавараў у часова акупаваныя тэрыторыі Украіны, у тым ліку і Крым. Транзіт падчас вайны ажыццяўляўся праз Беларусь і яе транспартна-лагістычныя цэнтры», — паведаміла абласная пракуратура Закарпацця.
Сярод пастаўленых расійскай арміі тавараў значыліся вогнетрывалыя матэрыялы для вытворчасці сталі і электратэхнічнае абсталяванне для вырабу звычайнага ўзбраення і сістэм кіравання артылерыяй на расійскіх вайсковых караблях.
Нядаўна ў Балгарыі таксама былі затрыманыя сябры міжнароднай злачыннай групоўкі, якія займаліся таемнай пастаўкай узбраенняў для расійскіх сіл у акупаваных частках Украіны. У складзе групоўкі ёсць грамадзянін Беларусі.
Цяпер чытаюць
«Стаяць на сваім, кожны наколькі можа!» Вялікая гутарка з Наталляй Дулінай пра гопнікаў з ГУБАЗіКа, Калеснікаву і што там у каго ў калоніі10
Каментары