Лукашэнка назваў патрабаванні і прэтэнзіі да Літвы: альтэрнатыўны ўрад, харугвы, порт, машыны для Зімбабвэ, санаторый
Аляксандр Лукашэнка на сённяшнім пасяджэнні Рады бяспекі запатрабаваў ад Літвы сесці за стол перамоваў. Ён падкрэсліў, што літоўскія фуры проста так не пакінуць краіну — Літве прыйдзецца дамаўляцца.
Падчас пасяджэння Лукашэнка агучыў некаторыя патрабаванні да Вільні.
«Вярніце нам 17 або 20 аўтамабіляў, якія вы скралі. Пажарныя аўтамабілі, якія пастаўлялі ў Зімбабвэ. Нармалізуйце працу нашага санаторыя, дзе мы лячылі чарнобыльскіх дзяцей. Яны ў дзяцей адабралі фактычна санаторый. І вярніце нам грошы за тое, што мы там будавалі порт», — сказаў ён.
Таксама Лукашэнка згадаў «альтэрнатыўныя ўрады» і «баявыя атрады», якія, паводле яго слоў, «утрымліваюць» у Літве.
«Яны ад нас чагосьці патрабуюць. А калі б мы ў Беларусі стваралі альтэрнатыўныя ўрады і падтрымлівалі «змагароў за незалежнасць». Яны там ствараюць баявыя атрады, яны іх узбройваюць. Помніце — харугвы. Яны нікуды не дзеліся. І цэлыя палкі, як яны называюць. Гэта што, жарт? І яны яшчэ нам нейкія прэтэнзіі выстаўляюць. Ну, утрымліваюць яны іх — няхай утрымліваюць. Але калі гэта накіравана супраць нашай краіны, мы як на гэта павінны рэагаваць?» — сказаў ён.
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3030
Каментары
В 2020 году Литва , да и вся Европа, молча смотрела, как расстреливают и калечат беларусов. Максимум реакции , это была озабоченность происходящим. Вспоминайте свою озабоченность и «взаимовыгодную торговлю», господа европейцы, когда шизоидные диктаторы будут делить между собой ваши страны.