У 2025 годзе беларусы занялі 3‑е месца сярод самых актыўных вучняў на платформе для вывучэння замежных моў Duolingo, піша Thinktanks.pro.
Фота: change.org
Паводле даных штогадовай справаздачы, сёлета англійская мова найбольш часта вывучалася ў дадатку, у 79% краін яна стаіць на першым месцы. Хутка расце попыт на такія мовы, як кітайская, карэйская і партугальская.
Японія і Аўстралія занялі першыя месцы сярод паліглотаў. Жыхары гэтых краін часцей за ўсё вывучаюць тры і больш мовы.
Першае месца па сярэднім часе, выдаткаваным на вывучэнне замежнай мовы, заняла Японія — ужо другі год запар. На другім месцы размясцілася Венгрыя, а на трэцім — Беларусь. Расія і Германія таксама ўвайшлі ў топ-5.
Каментары