У верасні «Еўрагандаль» зарэгістраваў у Нацыянальным цэнтры інтэлектуальнай уласнасці брэнд «Сваё». А ў сераду, 12 снежня, падрабязнасці праекта раскрылі ў Нацыянальным прэс-цэнтры, піша Office Life.
Раней у кампаніі паведамлялі, што пад новым брэндам будзе прадавацца шырокі асартымент тавараў айчыннай вытворчасці ў крамах гандлёвых сетак «Еўраопт», «Хіт!» і «Грошык». Тады ж адзначалі, што філасофія брэнда «Сваё» будзе грунтавацца не на самай нізкай цане, а на аптымальным балансе кошту і якасці.
Паводле слоў камерцыйнага дырэктара кампаніі «Еўрагандаль» Аляксандра Шуляка, зараз пад брэндам прадстаўлена больш за 60 таварных пазіцый. Прадукцыю пастаўляюць 50 айчынных вытворцаў.
Прадстаўнікі «Еўрагандаль» падкрэслілі, што не адмаўляюць у працы ні аднаму беларускому вытворцу. Але пры гэтым былі прадпрыемствы, якія не прайшлі адбор паводле вызначаных крытэрыяў, у тым ліку па дэгустацыі.
Цяпер чытаюць
«Цяпер мне чужая сама канцэпцыя ўжыць нешта, чаго ты не ведаеш». Вялікая гутарка з Іванам Шылам пра бізнэс, зараблянне з дапамогай ШІ, жанчын і ботакс3
Каментары