Сырскі: Украінскія войскі з сярэдзіны лістапада змаглі вярнуць кантроль над часткай Пакроўска і цяпер утрымліваюць паўночную частку
Галоўнакамандуючы УСУ адказаў на пытанні СМІ і, сярод іншага, звярнуў увагу на сітуацыю ў Пакроўску. Расійскія вайскоўцы сцвярджаюць, што кантралююць горад, аднак, са слоў Сырскага, з лістапада сітуацыя там змянілася.
«На пэўным этапе, восенню, у Пакроўску ўжо не было нашых войскаў праз абмежаваныя магчымасці. Аднак з 15 лістапада ў выніку нашых наступальных дзеянняў мы змаглі ўзяць пад кантроль каля 13 км тэрыторыі ў межах Пакроўска», — цытуе галоўнакамандуючага УСУ РБК-Украіна.
Паводле слоў Сырскага, асноўныя баі цяпер сканцэнтраваныя ў Пакроўску і Мірнаградзе. Паводле ягоных звестак, расіяне павялічваюць там сваю групоўку да 156 тысяч чалавек, у той час як Украіна нарошчвае групоўку ў межах горада.
Пры гэтым Сырскі падкрэсліў, што ўкраінскія войскі адведзеныя з пазіцый за 5—7 км ад Пакроўска — праз немагчымасць ратацыі і пагрозу жыццю вайскоўцаў. Што тычыцца Мірнаграда, то, паводле слоў галоўнакамандуючага УСУ, горад не знаходзіцца ў акружэнні, хоць расіяне да гэтага імкнуцца. Украінская лагістыка, з ягоных слоў, складаная, але працуе.
Каментуючы сітуацыю на фронце, Сырскі сказаў, што лінія актыўнага фронту цяпер складае 1218 кіламетраў, у той час як літаральна месяц таму працягласць лініі актыўных баявых дзеянняў складала 1253 кіламетры.
«Мама, давай напішам заяву ў міліцыю, ён мяне ўжо дастаў». Маці школьніка з Брэста, які скончыў жыццё самагубствам, расказала пра цкаванне сына8
Каментары